لاک ڈاؤن وچ ویلیاں رہنا تحریر: محمد نعیم شہزاد
لاک ڈاؤن وچ ویلیاں رہنا
محمد نعیم شہزاد
یا ایھا الرجال
کی ہویا اے تواڈا حال
لاک ڈاؤن وچ ویلے، موجاں
کوئی میسج نہ کوئی کال
وقت دا پہیہ چلدا جاوے
سانہواں دے نال گھَٹدا جاوے
جے نہ کجھ وی فکر کیتی
ٹینشن اس گل دی نہ لتی
آخر ہے سب نوں زوال
لبھ لو حالی کمال
گیا وقت فیر ہتھ نہیں آندا
بیہھ کے انسان رہے پچھتاندا
آپنے آپ دی قدر نوں جانو
وقت دی قیمت نوں پہچانو
ایہو سبق سکھاندے سارے
گزر دے ماہ و سال
دل وچ آپنے عزم کریں توں
آپنا ویلا سانبھ لویں توں
دنیا تے کجھ ایسا کر جا
بن جا ایک مثال
یا ایھا الرجال
کی ہویا اے تواڈا حال
Leave a reply
