کورونا وائرس، لوگوں کی مدد کرتے وقت ویڈیو اور تصویر نہ بنائیں،فیصل قریشی

پاکستان شوبز انڈسٹری کے معروف اداکار فیصل قریشی نے مستحق اور غریب عوام کی مدد کرنے والوں سے درخواست کی ہے کہ مدد کرتے وقت تصویریں اور ویڈیوز نہ بنائیں غریبوں کی عزت نفس کا خیال رکھیں

باغی ٹی وی : کورونا وبا سے بچاؤ کی حفاظتی تدابیر کے پیش نظر حکاومت نے ملک بھر میں لاک ڈاؤن نافذ کر کر رکھا ہے جومزدوروں اور یومیہ اجرت پر زندگی بسر کرنے والوں کے لیے ایک مشکل وقت ہے حکومت سمیت مخیر حضرات کی بڑی تعداد ایسے لوگوں کی مدد کررہی ہے لیکن ان میں سے بعض تشہیر کی غرض سے سیلفی، تصویر اور ویڈیوز بنا کر سوشل میڈیا پر بھی شیئر کررہے ہیں

Khudara imdad karty waqt picture ya video na bnayien kuch ayese loug hain jo majbori ki waja sey yeah madad hasil kar rahien hain ..logoon ki majbori ko publicity stunt na bnayien ..aur yeah waqt bari zalim cheez hey

— Faysal Quraishi (@faysalquraishi) March 31, 2020

سماجی رابطے کی ویب سائٹ ٹویٹر پرایسے تمام لوگوں سے فیصل قریشی نے درخواست کرتے ہوئےلکھا کہ خدارا امداد کرتے وقت تصویر یا ویڈیو نہ بنائیں

فیصل قریشی نے لکھا کہ کچھ لوگ ایسے بھی ہیں جو محض مجبوری کی وجہ سے یہ امداد حاصل کر رہے ہیں

اداکار نے مزید لکھا کہ لوگوں کی مجبوری کو عوام میں مقبول ہونے کے لئے استعمال نہ کریں اور یہ وقت بڑی ظالم چیز ہے

Very true Allah kare ub inko samj b aye k is message ki faisal bhi

— Mohammad Amir (@iamamirofficial) March 31, 2020

فیصل قریشی کے اس پیغام کو قومی کرکٹر محمد عامر نے بھی سراہا اور جوابی ٹویٹ کرتے ہوئے لکھا بالکل سچ بات ہے اور لکھا اللہ کرے کہ اب لوگوں کو سمجھ بھی آجائے اس پیغام کی فیصل بھائی

واضح رہے کہ اس ے پہلے اداکارہ و میزبان صنم جنگ اور نیلم منیر نے بھی اسی مسئلے پر عوام سے اپیل کی تھی کہ وہ مدد کرتے وقت غریبوں کی عزت نفس کا خیال رکھیں اور تصویریں اور ویڈیوز سیلفیاں بنا کر مستحق لوگوں کا مذاق نہ بنائیں

مستحق لوگوں کی عزت و نفس مجروح کئے بغیر ان کی مدد کریں نیلم منیر

اس مشکل وقت میں غریبوں کی مدد کرتے ہوئے ان کی عزت نفس سے نہ کھیلیں