fbpx

لوگوں کی ذات اور زندگیوں پر تبصرے کرنا ہمارا فرض بن گیا ہے نعمان اعجاز

پاکستان شوبز انڈسٹری کے سینئر اداکار نعمان اعجاز کا کہنا ہے کہ کسی کو بُرا کہنے سے پہلے آئندہ دیکھ لینا بہتر ہے۔

باغی ٹی وی : سوشل میڈیا سائٹ انسٹاگرام پر نعمان اعجاز نے اپنی تصویر شیئر کی جس میں موبائل فون میں مصروف ہیں۔

نعمان اعجاز نے تصویر کے کیپشن میں لکھا کہ ہمیں نفرت کرنا پسند ہے کیونکہ اگر ہمیں نفرت کرنا پسند نہیں ہوتا تو ہم لوگوں کو نظر انداز کردیتے ہیں لیکن ہم ایسا نہیں کرتے ہیں۔

اداکار نے کہا کہ ’یہ ہمارا فرض بن گیا ہے کہ ہمیں لوگوں کی ذات اور زندگیوں پر تبصرے کرنے ہیں اور اُنہیں بُرا بھلا ہی کہنا ہے۔

اُنہوں نے کہا کہ کسی کو بُرا کہنے سے پہلے آئندہ دیکھ لینا بہتر ہے۔

نعمان اعجاز نے مزید کہا کہ ’ہم برداشت کے بارے میں کیسے بات کر سکتے ہیں جب ہمارے اندر یہ موجود ہی نہیں ہے۔‘

اداکار کے اس معنی خیز پیغام کو صارفین کی بڑی تعداد پسند کررہی ہے۔

ایک انٹرویو میں عفت عمر کے انٹرویو سے اٹھنے والے تنازعے پر ان کا کہنا تھا کہ وہ اس معاملے میں صرف اللہ اور اپنی اہلیہ کو جواب دہ ہیں اور وہ اس بارے میں کوئی وضاحت دینے کی ضرورت محسوس نہیں کرتے۔

انہوں نے کہا کہ یہ پروگرام 18 ماہ پہلے ریکارڈ ہوا تھا اور ان کی مزاح سے پُر اور کچھ طنزیہ گفتگو کی عادت ہے، اگر کسی کو ان کا مذاق پسند نہیں تو یہ اس کا مسئلہ ہے۔

اگر کسی کو مذاق پسند نہیں تو یہ اس کا مسئلہ ہے نعمان اعجاز

جواب چھوڑیں

آپ کا ای میل ایڈریس شائع نہیں کیا جائے گا.