fbpx

لندن میں نواز شریف کے سیکرٹری پر نامعلوم افرادکا چاقو سے حملہ

حملہ آوروں نے نواز شریف سے دور رہنے، ساتھ چھوڑنے اور لاتعلقی کا کہا۔, راشد نصر اللہ

لندن میں مسلم لیگ ن کے قائد اور سابق وزیراعظم نواز شریف کے سیکرٹری راشد نصر اللہ پر آفس جاتے ہوئے نامعلوم افراد نے چاقو سے حملہ کیا ہے۔

باغی ٹی وی: راشد نصر اللہ پر حملہ ایسٹ لندن میں الفرڈ کے مقام پرکیا گیا، راشد نصر اللہ حملے میں محفوظ رہے، نصر اللہ کے مطابق حملہ آور چاقو اور خنجروں سے لیس تھے، حملہ آوروں نے انہیں نواز شریف سے دور رہنے، ساتھ چھوڑنے اور لاتعلقی کا کہا۔

آڈیو لیکس، معاملے کی تہہ تک نہ پہنچے تو معاملات اس سے زیادہ بگڑجائیں گے

راشد نصراللہ کا کہنا تھا کہ حملہ آور گالم گلوچ کرتے ہوئے فرار ہوگئے، پولیس کو رپورٹ درج کرادی ہے، ہمیں دنیاکی کوئی طاقت نواز شریف سےدور نہیں کرسکتی، ہم ان اوچھے ہتھکنڈوں سے ڈرنے والے نہیں۔

واضح رہے کہ اس سے قبل رواں ماہ اپریل میں سابق وزیراعظم نواز شریف پر لندن میں حملہ ہوا تھا ایک نوجوان نے قائد ن لیگ کو موبائل دے مارا جو ان کے گارڈ کو لگا تھا جس سے گارڈ زخمی ہوگیا تھا قائد ن لیگ دفتر سے باہر نکل رہے تھے ایک نوجوان نے بدتمیزی کرتے ہوئے نواز شریف پر حملے کی کوشش کی تھی-

نائب صدر مسلم لیگ ن مریم نواز نے کہا تھا کہ اس بار ان حملہ آوروں کو نہیں چھوڑیں گے۔

لال حویلی سمیت 7 یونٹس پرشیخ رشید کا غیر قانونی قبضہ، کیس کا فیصلہ محفوظ