fbpx

لانگ مارچ:معظم کو بڑے اسلحہ کی گولی لگی:انکشاف

لاہور:پوسٹ مارٹم رپورٹ نے تمام ترقیاس آرائیوں کو ختم کردیا ہے اور حتمی رپورٹ نے صورت حال مزید واضح کردی ہے ،اطلاعات ہیں کہ پی ٹی آئی کے لانگ مارچ کے دوران گوجرانوالا سے آگے وزیر آباد میں ہونے والے حملے میں فائرنگ سے جاں بحق ہونے والے پی ٹی آئی کارکن معظم کی پوسٹمارٹم رپورٹ میں تہلکہ خیز انکشافات سامنے آئے ہیں

ماہر ڈاکٹروں کی طرف سے کافی چھان بین کے بعد جاری رپورٹ میں انکشاف ہوا ہے کہ وزیرآباد میں جاں بحق پی ٹی آئی کارکن معظم کی ہلاکت کسی بڑے اسلحے سے چلنے والی گولی سے ہوئی،پی ٹی آئی کارکن معظم کو فرنٹ سائیڈ کی دائیں جانب آنکھوں سے7 سینٹی میٹر اوپر گولی لگی،یہ بھی معلوم ہوا ہےکہ معظم کےسرپرگولی جہاں داخل ہوئی اسکا سوراخ 3 سینٹی میٹربائے1سینٹی میٹر تھا،معظم کےسرکےدوسرے حصےسےجہاں سےگولی نکلی اسکا سوراخ 12 سینٹی بائے 9 سینٹی میٹر تھا۔

پوسٹ مارٹم رپورٹ کے مطابق معظم کو گولی لگنے سے سر پر 2 زخم آئے، اس رپورٹ میں یہ بھی انکشاف کیا گیا ہے کہ معظم کو لگنے والی گولی جہاں سے داخل ہوئی اور جہاں سے گولی نکلی، معظم کی ہلاکت گولی لگنے کے فوری بعد دل کا دورہ پڑنے سے ہوئی، معظم کوگولی لگنے کے فورا بعد موقع پر دل کا دورہ پڑا، جس کے باعث ہلاکت ہوئی،

اس سلسلے میں معظم کی باڈی کا کلینکل جائزہ لینے والے ماہر ڈاکٹروں کا کہناہے کہ اگرمعظم کو دل کا دورہ نہ بھی پڑتا تو بھی زخم اتنے گہرے تھے کہ اس سے ہلاکت ہو جانی تھی، معظم کو جہاں گولی لگی وہاں کوئی کالا نشان موجود نہ تھا، اگر گولی نزدیک سے چلتی تو جہاں سے گولی داخل ہوئی وہاں پر سیاہ نشان موجود ہونا تھا۔

معظم کی میڈیکل رپورٹ تیار کرنے والے ماہرین کے مطابق حملہ آور نوید کے پاس پسٹل تھا، پسٹل کی گولی لگنے سے سوراخ انتہائی چھوٹا ہوتا ہے، اگر نوید کی جانب سے گولی چلائی گئی تو معظم کو گولی لگنے سے کالا نشان یا پھر ’ٹیٹوئنگ’ کا نشان ہونا تھا، پوسٹ مارٹم رپورٹ سے لگتا ہے گولی دور سے چلائی گئی، اگر گولی نزدیک سے چلتی یا پسٹل سے چلتی تو سوراخ چھوٹا ہونا تھا، معظم کو لگنے والی گولی 30 بور یا نائن ایم ایم کی نہیں بلکہ یہ کسی رائفل یا بڑے اسلحہ کا فائر ہوسکتا ہے،

لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

 لگتا ہے لاپتہ افراد کے معاملے پر پولیس والوں کو کوئی دلچسپی نہیں

سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس