مقبوضہ کشمیر:پلوامہ کے متعدد علاقوں میں بھارتی فوج کی تلاشی مہم ، 3کشمیری شہید

مقبوضہ کشمیر:پلوامہ کے متعدد علاقوں میں تلاشی مہم ، 3کشمیری شہید.تین دن میں 18شہادتیں

باغی ٹی وی : مقبوضہ کشمیر کے علاقے پلوامہ میں بھارتی فورسز نے آپریشن کے دوران 3کشمیری نوجوان مجاہدین کو شہید کردیا ہے۔ جبکہ ایک فوجی اہلکار شدید زخمی ہوگیا۔
ساوتھ ایشین وائر کے مطابق مقبوضہ کشمیرکے جنوبی ضلع پلوامہ کے علاقے کنگن میں فوج نے بدھ کے روز صبح بڑے پیمانے پر تلاشی کاروائی شروع کی جس کے ساتھ ہی ضلع میں ٹو جی موبائل انٹرنیٹ سروس کو بھی معطل کر دیا گیا ۔ ساوتھ ایشین وائر کے مطابق فوج کے 55 آر آر، سی ار پی ایف کے 183 بٹالین اور پولیس کی مشترکہ ٹیموں نے کنگن علاقہ کو محاصرے میں لے لیا اور گھر گھر تلاشی کاروائی شروع کر دی ۔
آپریشن کے دوران ضلع کے آستان محلہ کنگن علاقے میں عسکریت پسندوں اور سرکاری فوج کے مابین فائرنگ کا تبادلہ ہوا۔
اطلاعات کے مطابق فوج کو علاقہ میں عسکریت پسندوں کی موجودگی کے بارے میں ایک مصدقہ اطلاع ملی جس کے بعد کنگن سمیت متعدد علاقوں کو محاصرے میں لیا گیا ۔
ایک سینئر پولیس افسر نے مشترکہ ٹیم اور عسکریت پسندوں کے مابین فائرنگ کے تبادلے کی تصدیق کرتے ہوئے کہا کہ جیش محمد کے کے دو سے تین مجاہد یہاں موجودتھے اور آپریشن ابھی جاری ہے۔
منگل کے روز سیکورٹی فورسز نے جنوبی کشمیر کے ضلع پلوامہ کے سب ضلع ترال کے علاقے اونتی پورہ سیموہ میں ایک مسلح جھڑپ میں 2مجاہدین کو شہید کردیاتھا۔جبکہ لائن آف کنٹرول پر بھی 13نوجوان شہید کر دئے گئے تھے۔

جواب چھوڑیں

آپ کا ای میل ایڈریس شائع نہیں کیا جائے گا.