مزیدار مچھلی کا سالن بنانے کا طریقہ

اجزاء:
مچھلی 250 گرام
دھنیا پاؤڈر آدھا چائے کا چمچ
ثابت زیرہ آدھا چائے کا چمچ
ثابت گرم مصالحہ آدھا چائے کا چمچ
ہری مرچ 2 عدد
ادرک لہسن پیسٹ 1 کھانے کا چمچ
ٹماٹر 2 عدد پیس کر ڈالیں
زیرہ پاؤڈر آدھا چائے کا چمچ
سوکھی میتھی آدھا کھانے کا چمچ
دار چینی 1 عدد
کالی مرچ 3 عدد
نمک حسب ذائقہ
اجوائن آدھا کھانے کا چمچ
سرکہ آدھا کپ
کھانے کا تیل 2 کھانے کے چمچ
پیاز 1 عدد چھوٹا
دہی 1 کھانے کا چمچ
لال مرچ پسی آدھا چائے کا چمچ
چھوٹی الائچی 2 عدد
بڑی الائچی 1 عدد
گرم پانی آدھا کپ

ترکیب:
ایک برتن میں مچھلی ڈال کر اس میں نمک اجوائن سرکہ اور آدھا ادرک لہسن پیسٹ ڈال کر ملا لیں اسے 2 سے 3 گھنٹے کے لیے فریج میں رکھ لیں پھر اس مچھلی کو دھو لیں ایک دیگچی میں کھانے کا تیل گرم کریں اس میں پیاز ثابت گرم مصالحہ ثابت زیرہ اور ہری مرچ ڈال کر لائٹ براؤن ہونے تک فرائی کریں پھر ادرک لہسن کا پیسٹ ڈال کر تھوڑا فرائی کریں اب اس میں پسے ہوئے ٹماٹر لال مرچ نمک دہی کالی مرچ میتھی زیرہ پآڈر دھنیا پاؤڈر ڈال کر دس 5 منٹ بھون کر اس میں مچھلی ڈال دیں اور مزید 3 سے 4 منٹ بھون کر پانی ڈال کر 3 منٹ کے لئے دم پر رکھ دیں دم ختم ہونے پر ادرک ہری مرچ اور ہرے دھنیا سے گارنش کر لیں مزیدار مچھلی کا سالن تیار ہے