ماضی میں مجھے مدھوبالا اور رانی مکھر جی کے مشابہہ قرار دیا جاتا تھا جویریہ سعود

پاکستانی ڈرامہ انڈسٹری کی نامور اداکارہ، پروڈیوسر اور میزبان جویریہ سعود کا کہنا ہے کہ کیرئیر کے آغاز میں انہیں بالی ووڈ اداکاراؤں سے مشابہہ قرار دیا جاتا رہا ہے ۔

جویریہ سعود کا ندا یاسر کے مارننگ شو میں دیئے گئے ایک پرانے انٹرویو کا ویڈیو کلپ سوشل میڈیا پر وائرل ہو رہا ہے مذکورہ ویڈیو میں جویریہ سعود کا کہنا ہے کہ انہیں بالی ووڈ کی معروف اداکاراؤں مدھوبالا اور رانی مکھرجی سے ملایا جاتا تھا۔

شو کے دوران ندا یاسر جویریہ سے پوچھتی ہیں کہ تمہیں لوگ کس اداکارہ سے ملاتے ہیں جس پر جویریہ سعود کا کہنا ہے ماضی میں جب ان کا وزن کم اور چہرہ بھی پتلا ہوا کرتا تھا تو تب لوگ انہیں مدھو بالا کہتے تھےانڈسٹری میں کچھ مدت گزر جانے کے بعد لوگ انہیں بالی ووڈ اداکاہ رانی مکھرجی سے ملانے لگے لیکن اب لوگ مجھے کسی اداکارہ میں نہیں ملاتے۔

جویریہ سعود کے اس ویڈیو کلپ پر صارفین مختلف تبصرے کررہے ہیں-