عمران عباس کا مادر ملت محترمہ فاطمہ جناح کو خراج تحسین

پاکستان شوبز انڈسٹری کے معروف اداکارعمران عباس نے سوشل میڈیا پر محترمہ فاطمہ جناح کو خراج تحسین پیش کیا ہے۔

باغی ٹی وی : سوشل میڈیا ویب سائٹانسٹاگرام پر اداکار عمران عباس نے محترمہ فاطمہ جناح کی ایک تصویر شیئر کی ہے اورکیپشن میں لکھا ہے کہ محترمہ فاطمہ جناح کی برسی کے موقع پر ہماری مادر ملت کو سلام-


اداکار عمران عباس کی اس پوسٹ کو مداحوں کی جانب سے خوب پسند کیا جا رہا ہے اور اس پر مداحوں کی جانب سے تبصروں کا سلسلہ بھی جاری ہے۔

واضح رہے کہ آج مادر ملت محترمہ فاطمہ جناح کی 53 ویں برسی ہے۔

محترمہ فاطمہ جناح 31 جولائی 1893 کو کراچی میں پیدا ہوئیں وہ قائداعظم محمد علی جناح سے 17 سال چھوٹی تھیں لیکن قائد کی دیکھ بھال اور ان کے سیاسی مشن کو پورا کرنے کے لیے قدم قدم پراپنے بھائی کے ہمراہ رہیں۔

پاکستان میں مادر ملت محترم فاطمہ جناح کی خدمات ناقابل فراموش ہیں آپ نے جدوجہد آزادی میں حصہ لینے کے لیے برصغیر کی مسلم خواتین کو بیدار کیا مادر ملت کی ہی بدولت برصغیر کے گلی کوچوں میں مردوں کے شانہ بشانہ خواتین بھی تحریک میں سرگرم ہوئیں۔

محترمہ فاطمہ جناح نے قیام پاکستان کے بعد مہاجرین کی آبادکاری جیسا اہم کام اپنی نگرانی میں انجام دیا اور ساتھ ہی انہوں نے ویمن ریلیف کمیٹی قائم کی اور پاکستان ویمن ایسوسی ایشن کی بنیاد رکھی فاطمہ جناح کی خدمات کے عوض قوم نے آپ کو ’مادر ملت‘ اور ’خاتون پاکستان‘ کے خطاب سے نوازا۔

محترمہ فاطمہ جناح 9 جولائی 1967 کو دل کا دورہ پڑنے کے باعث خالق حقیقی سے جاملیں۔

جواب چھوڑیں

آپ کا ای میل ایڈریس شائع نہیں کیا جائے گا.