مہاراشٹر اسمبلی، امیدواروں کے متعلق اہم معلومات سامنے آ گئیں
بھارتی ریاست مہاراشٹر میں اسمبلی انتخابات میں چند دن ہی باقی رہ گئے ہیں۔ امیدواروں کے متعلق دلچسپ معلومات سامنے آ گئی ہیں۔
مہاراشٹر الیکشن، شیوسینا کو زبردست جھٹکا
بھارتی میڈیا کے مطابق انتخابات لڑنے والوں میں 1007امیدوار کروڑ پتی ہیں تو 916امیدواروں کے خلاف مقدمات درج ہیں۔ اس سلسلے میں ایسوسی ایشن فار ڈیموکریٹک ریفارمز (اے ڈی آر)نے 3112امیدواروں کے حلف ناموں کا تجزیہ کیا ہے۔ یاد رہے کہ گذشتہ ریاستی انتخابات میں 2336 امیدواروں میں سے 978امیدواروں پر مقدمات درج تھے۔
اگر پارٹی کی بنیاد پر بھی امیدواروں کے خلاف مقدمات کی بات کی جائے تو بھارتیہ جنتا پارٹی (بی جے پی) کے162 میں سے 96 (59فیصد) امیدواروں کے مجرمانہ مقدمات قائم ہیں۔ اسی طرح کانگریس کے 147 میں سے 83 (57فیصد)، شیوسینا کے 124 میں سے 75 (61 فیصد)، نیشنلسٹ کانگریس پارٹی (این سی پی)کے116 میں سے 73 (63فیصد)، مہاراشٹرنونرمان سینا (ایم این ایس)کے 99 میں سے52 (49فیصد)، بہوجن سماج پارٹی (بی ایس پی) کے 246 میں سے 52 (21فیصد)اور1359 آزاد امیدواروں میں سے 280 (21فیصد) نے اپنے حلف نامے میں درج مجرمانہ مقدمات کی فراہم کی ہیں۔
مہاراشٹرانتخابات، کیا بی جے پی شیوسینا کے درمیان سب ٹھیک چل رہا؟
دریں اثناءالیکشن لڑنے والے 67 امیدواروں پر خواتین کے خلاف مجرمانہ مقدمات ، چار امیدواروں کے خلاف جنسی زیادتی (ریپ) کا معاملہ درج ہے۔ اسی طرح 19 امیدواروں پر قتل کے مقدمات جبکہ 27 امیدواروں کو مختلف مقدمات کے تحت سزاسنائی جا چکی ہے۔
بھارت، مہاراشٹر میں بی جے پی ، شیوسینا اتحاد ہو گیا
واضح رہے کہ مہاراشٹر میں الیکشن لڑنے والے امیدواروں میں سے 1007 کروڑپتی ہیںجبکہ گذشتہ الیکشن میں یہی تعداد 1059 تھی۔ کروڑپتی امیدواروں میں بھی سب سے زیادہ بی جے پی کی طرف سے ہیں۔ جبکہ کانگریس کے 147، شیوسینا کے 116، این سی پی کے 101 اور ایم این ایس کے 52 امیدوار کروڑپتی ہیں۔
یاد رہے کہ مہاراشٹر اسمبلی کے انتخابات 21اکتوبر کو ہو رہے ہیں۔