ماہرہ خان کی 6 سال بعد ٹی وی اسکرین پر واپسی

0
26
ماہرہ خان کی 6 سال بعد ٹی وی اسکرین پر واپسی #Baaghi

عالمی شہرت یافتہ پاکستانی اداکاہ ماہرہ خان کے مداح انہیں 6 سال کے طویل عرصے پر ٹی وی اسکرین پر دیکھیں گے-

باغی ٹی وی : ماہرہ خان آخری بار چھوٹی اسکرین پر 2015 کے مقبول رومانوی ڈرامے ’بن روئے‘ میں دکھائی دی تھیں، جسے 2016 میں فلم کی صورت میں بھی پیش کیا گیا تھا۔

ہم ٹی وی کی جانب سے انسٹاگرام پر ماہرہ خان کے آنے والے ڈرامے کے کردار کی جھلک شیئر کرتے ہوئے تصدیق کی گئی کہ اداکارہ 6 سال بعد ڈراموں میں واپسی کر رہی ہیں۔

ماہرہ خان کے نئے پراجیکٹ میں ان کے ساتھ اسکرین پر اداکار عثمان مختار، کبریٰ خان، ہارون شاہد، شمیم ہلالی، زینب قیوم، ہما نواب، لیلیٰ واسطی، عمیر رانا اور دیگراداکار اہم کرداروں میں نظر آئیں گے۔

ماہرہ خان معروف مصنفہ عمیرہ احمد کے ناول ’ہم کہاں کے سچے تھے‘ سے ماخوذ اسی نام سے بنائے جانے والے ڈرامے میں دکھائی دیں گی اگرچہ ابھی تک اس ڈرامے کی ریلیز کی تاریخ کا باضابطہ اعلان نہیں کیا گیا ہے۔

پوسٹ میں بتایا گیا کہ اداکارہ ’مہرین منصور‘ کا کردار ادا کرتی دکھائی دیں گی ماہرہ خان اپنی مذکورہ پراجیکٹ میں ’مہرین‘ کا کردار اداکر رہی ہیں۔

علاوہ ازیں اداکارہ نے اپنے انسٹاگرام پر بھی ڈرامے میں اپنے کردار کی تصویر شیئر کی، اداکارہ کے مداحوں کی جانب سے خوشی کا اظہار کیا جا رہا ہے ان کا کہنا ہے کہ وہ ماہرہ کو ٹی وی پر دیکھنے کے لئے بے تاب ہیں اداکارہ سجل علی نے نیک خواہشات کا اظہار کرتے ہوئے کہا کہ وہ مہرین کو انتظار دیکھنے کا انتظار نہیں کر سکتیں-

Leave a reply