ماہرہ خان کی بیٹی ہوتی تو اس کا کیا نام رکھتیں؟

پاکستان شوبز انڈسٹری کی معروف اور عالمی شہرت یافتہ اداکارہ ماہرہ خان کا کہنا ہے کہ اگر میری بیٹی ہوتی تو اس کا نام رانیہ رکھتی۔

باغی ٹی وی : عالمی شہرت یافتی پاکستانی اداکارہ ماہرہ خان نے سوشل میڈیا ویب سائٹ ٹوئٹر پر شہریار نامی صارف کا ٹوئٹ اپنے اکاؤنٹ پر شیئر کیا جس میں صارف نے اپنی آٹھ سالہ بیٹی کے ماہرہ خان کے لئے لکھے گئے خط کی تصویر شیئر کی۔


ماہرہ خان کی آٹھ سالہ ننھی مداح نے اپنے خط میں اُن کے لیے نیک خواہشات کا اظہار کرتے ہوئے لکھا کہ پیاری ماہرہ میرا نام رانیہ ہے اور میں آپ کی تب سے بہت بڑی فین ہوں جب میں نے آپ کو ایوارڈ شو میں بیسٹ ایکٹریس کا ایوارڈ لیتے ہوئے دیکھا-

ننھی مداح نے لکھا کہ میں نے آپ کی سُپر سٹار فلم دیکھی مجھے آپ کا ڈانس اور ایکٹنگ بہت اچھی لگی میں آپ کی بہت بڑی مداح ہوں اور میں چاہتی ہوں کہ آپ مجھے اپنا آٹوگراف دیں تاکہ میں اُس کو فریم کروا کے اپنے کمرہ کی دیوار پر لگا سکوں۔

ننھی مداح نے پسندیدہ اداکارہ کے مستقبل کے لئے نیک خواہشات کا اظہار کیا-

ننھی مداح رانیہ کے والد نے اپنے ٹویٹ میں ماہرہ خان کو مخاطب کرتے ہوئے لکھا کہ میری آٹھ سالہ بیٹی رانیہ نے آپ کے لیے خط لکھا ہے اُمید ہے کہ آپ کو یہ خط پسند آئے گا اور اگر آپ میری بیٹی کے خط کا جواب دیں گی تو وہ بہت زیادہ خوش ہوگی۔


ٹوئٹر صارف کے ٹوئٹ کا جواب دیتے ہوئے ماہرہ خان نے لکھا کہ آپ کی بیٹی بہت ہی پیاری ہے۔

ماہرہ خان نے لکھا کہ آپ اپنی بیٹی کو بتائیں کہ اگر میری کوئی بیٹی ہوتی تو میں اُس کا نام رانیہ ہی رکھتی۔

اداکارہ نے لکھا کہ ننھی رانیہ کے لیے میری طرف سےبہت سارا پیار۔

وسیم اکرم کی سالگرہ کے موقع پر اہلیہ کا محبت بھرا پیغام

جواب چھوڑیں

آپ کا ای میل ایڈریس شائع نہیں کیا جائے گا.