ماہرہ خان کی موٹر سائیکل چلانے کی ویڈیو سوشل میڈیا پر وائرل

پاکستان شوبز انڈسٹری کی معروف اداکارہ ماہرہ خان نے موٹرسائیکل چلانا سیکھ لی۔

باغی ٹی وی : اداکارہ اداکارہ ماہرہ خان نے سماجی راطے کی ویب سائٹ انسٹا گرام پر ویڈیو شیئر کی جس میں وہ بائیک چلاتی نظر آرہی ہیں۔ حفاظتی سامان کے ساتھ بنا کسی خوف کے بائیک چلانے والی ماہرہ خان کی اس ویڈیو کو سوشل میڈیا پر کافی پسند کیا گیا اور صارفین کی جانب سے اداکارہ کی خوب پذیرائی کی جارہی ہے۔

ماہرہ خان نے ویڈیو کے ساتھ کیپشن میں فہد مصطفیٰ کو مخاطب کرتے ہوئے لکھا کہ آجا میری موٹر بائیک پر بیٹھ جا ساتھ ہی انہوں نے یہ بھی لکھا کہ میں نے اپنی نئی آنے والی فلم ’قائد اعظم زندہ باد‘ کے لئے بائیک چلانا سیکھی ہے-
https://www.instagram.com/p/CFR8pxHBqbS/
ماہرہ نے بتایا کہ یہ ویڈیو میرے بائیک سیکھنے کے دوسرے روز کی ہے تو اس بات سے اندازہ لگائیں کہ میں بائیک چلانے میں کتنی اچھی ہو گئی ہوں۔

ماہرہ خان نے مزید بتایا کہ مجھے مکمل بائیک سیکھنے کے بعد سرٹیفکیٹ سے بھی نوازا گیا ہے۔

فوٹو انسٹاگرام
اداکارہ نے اس موقع پر پنک رائیڈرز پاکستان کی لڑکیوں کا خصوصی طور پر شکریہ ادا کیا اور کہا کہ آپ لوگ اصل فاتح ہو۔

خیال رہے کہ پنک رائیڈرز موٹر سائیکل چلانے والی ایک سو خواتین کا وہ گروپ ہے جنھوں نے گزشتہ برس کے شروع میں کراچی میں ایک ریلی منعقد کرکے خواتین کو بااختیار اور انھیں زندگی میں زیادہ خود مختار بنانے کا پیغام دیا تھا۔

ہراسانی ہر جگہ موجود ہے لیکن اصل مسئلہ ذہنیت ہے ماہرہ خان

ماہرہ خان کامن ویلتھ کی ٹیم کے ساتھ خواتین اور بچوں کے ساتھ ہونے والے جنسی ہراسانی…