ماہرہ خان کی پروڈکشن تلے بننے والی پہلی فلم میں کون سے اداکار جلوہ گر ہوں گے

0
37

پاکستان شوبز انڈسٹری کی نامور اور ورسٹائل اداکارہ ماہرہ خان نے گزشتہ روز اپنے پرڈوکشن ہاؤس کے بارے میں اطلاع دی تھی تاہم اب انہوں نے اپنی پروڈکشن میں بننے والی پہلی فلم’بارہواں کھلاڑی‘ کا پوسٹر جاری کر دیا ہے

باغی ٹی وی :ماہرہ خان کی جانب سے یہ پوسٹر سامنے آنے کے بعد سوشل میڈیا پر خبریں زیر گردش ہیں کہ ماہرہ خان کی پروڈکشن میں بننے والی فلم بارہواں کھلاڑی میں پاکستان کے معروف گلوکار علی ظفر کے بھائی دانیال ظفر اور اداکارہ کنزہ ہاشمی اداکاری کے جوہر دکھائیں گے۔

معروف میگزین ہیلو پاکستان کے انسٹا گرام اکاؤنٹ پر ایک پوسٹ شیئر کی گئی ہے جس کے مطابق ماہرہ کی پروڈکشن میں بننے والی فلم میں دانیال ظفر اور اداکارہ کنزہ ہاشمی اداکاری کے جوہر دکھائیں گے۔

دوسری جانب اداکارہ ماہرہ خان کی جانب سے بھی انسٹاگرام پر بارہواں کھلاڑی کے شیئر کیے گئے پوسٹر سے متعلق پوسٹ میں دانیال ظفر اورپاکستانی نژاد کینیڈین یوٹیوبر شاہویر جعفری کو بھی ٹیگ کیا گیا ہے۔


ماہرہ خان نے فلم کے پوسٹر کے ساتھ ایک کیپشن بھی درج کیا جس میں اداکارہ نے لکھا کہ فلم کی کہانی دوستی، رشتہ، اتحاد، ناکامی، کامیابی، ناکامی، محبت اور حوصلہ افزائی پر مبنی ہے۔

اداکارہ کا کہنا تھا کہ ہم نے یہ مرحلہ محبت بھری مشقت اور سخت محنت سے طے کیا ہے، ہماری یہ کوشش آپ کے لیے ہے۔

واضح رہے کہ گزشتہ روز ماہرہ خن نے اپنے پروڈکشن ہاؤس کی تصویر شئیر کرتے ہوئے لکھا تھا کہ ہر چیز کے پیچھے ایک کہانی ہوتی ہےاور میں کہانیوں کے لیے زندہ رہتی ہوں، انہیں سنتی ہوں اور سناتی ہوںپروڈکشن میں اپنی پہلی بار قسمت آزمائی کو مداحوں سے شیئر کرنے پر گھبرائی ہوئی ہوں اور پرجوش بھی ہوں اس سفر میں نینا کاشف سے بہتر میرے پاس کوئی نہیں ہے سول فرائی فلم میں آپ کو خوش آمدید ،آپ کا اور آپ کی کہانیوں کا ہمیشہ استقبال کیا جائے گا۔

ماہرہ خان نے اپنے پروڈکشن ہاؤس کا پہلا پروجیکٹ مداحوں کے ساتھ شئیر کر دیا

اداکارہ ماہرہ خان نے اپنا پروڈکشن ہاؤس کھول لیا

Leave a reply