ماہ نور بلوچ کی سوشل میڈیا پر وائرل نئی تصاویر نے صارفین کو حیران کر دیا

پاکستان شوبز انڈسٹری کی سدا بہار اداکارہ ماہ نور بلوچ کی سوشل میڈیا پر وائرل تصاویر نے مداحوں کو ایک بار پھر حیرانی میں مبتلا کر دیا-

باغی ٹی وی : پاکستان کی سدا بہار اداکارہ 50 سالہ ماہ نور بلوچ کی نئی تصویریں سوشل میڈیا پر وائرل ہو رہی ہیں جن میں اداکارہ نہایت حسین ، جوان اور اپنی عمر سے بہت کم لگ رہی ہیں تصاویر ماہ نور بلوچ نے مغربی لباس زیب تن کیا ہوا ہے۔
https://www.instagram.com/p/CGvQFwIhv89/?igshid=1fhrtxbjh9pk5
سوشل میڈیا پر وائرل تصویروں میں ماہ نور بلوچ اپنے انداز سے مداحوں کو اپنی فٹنس کا راز بتاتی نظر آرہی ہیں۔

50 سالہ ماہ نور بلوچ کی تصویریں دیکھنے کے بعد مداح اُن کی تعریف کرنے کے ساتھ ساتھ اداکارہ سے اُن کی خوبصورتی اور فٹنس کا راز پوچھ ر ہے ہیں اور تصویروں کو دیکھ کر حیرانی میں مبتلا ہیں کہ اداکارہ پر بڑھتی عمر کے اثرات واضح کیوں نہیں ہوتے-

واضح رہے کہ ماہ نور بلوچ 14 جولائی 1970 کو بلوچستان میں پیدا ہوئیں اور 23 برس کی عمر میں اپنے شوبز کیریئر کا آغاز کیا تھا۔

1993 میں ڈرامہ سیریل ’ماروی‘ سے فنی سفر کا آغاز کرنے والی ماہ نور بلوچ اداکاری اور ماڈلنگ کے علاوہ ڈائریکشن اور پروڈکشن کے میدان میں بھی اپنی صلاحیتیں دکھا چُکی ہیں علاوہ ازیں اداکارہ کئی فلموں میں بھی کام کر چُکی ہیں-

خیال رہے کہ اداکارہ کی ایک بیٹی بھی ہیں زندگی کی 50 بہاریں گزرنے کے باوجود ماہ نور اپنی بیٹی کی ماں نہیں بلکہ دوست نظر آتی ہیں-