لنڈی کوتل:سڑک پر سیوریج کا پانی جمع،عوام کو مشکلات کاسامنا

علاقہ ملاگوری میں دو فریقین کے درمیان پانی کا تنازعہ، ہزاروں لوگوں کے لیے غذاب بن گیا

لنڈی کوتل،باغی ٹی وی (نصیب شاہ شینواری )سڑک پر سیوریج کا پانی جمع،عوام کو مشکلات کاسامنا،کوئی پرسان حال نہیں

ضلع خیبر کے تحصیل لنڈی کوتل میں سرکاری روڈ پر پانی جمع ہونے کی وجہ سے مقامی ہزاروں لوگ اور مریض جو روزانہ یہاں سے گزرتے ہیں،کو سخت دشواری کا سامنا ہوتا ہے۔

مقامی ذرائع کے مطابق لنڈی کوتل کے علاقہ ملاگوری میں دو فریقین کے درمیان پانی کا تنازعہ مقامی ہزاروں لوگوں کے لیے غذاب بن گیا ہے،

ذرایع کے مطابق نکاس اب تنازعہ کی وجہ سے گھروں کا پانی سرکاری روڈ پر جمع ہوتا ہے جس کی وجہ سے مقامی لوگوں،مریضوں کو سخت تکلیف کا سامنا ہوتا ہے ۔

چیئرمین تحصیل لنڈی کوتل شاہ خالد سے اس بارے پوچھا گیا تو اس نے کہا کہ دونوں فریقین کے ساتھ جرگہ بھی ہوچکا ہے لیکن فنڈ کی کمی سے سڑک کے کنارے نکاس اب کے لیے نالی کی تعمیر التوا کا شکار ہے۔

مقامی لوگوں نے سی اینڈ ڈبلیو،دیگر متعلقہ اداروں ،حکام سے مطالبہ کیا ہے کہ سڑک پر نکاسی آب کے لیے جلد نالی تعمیر کی جائے تاکہ سڑک پر پانی جمع نہ ہو اور مقامی لوگوں کو آمد و رفت میں تکلیف نہ ہو۔

مقامی لوگوں نے سی اینڈ ڈبلیو حکام پر بھی تنقید کی ہے اور کہا ہے کہ کسی کو بھی حق نہیں کہ سرکاری روڈ کو خراب کریں،ان کا کہنا ہے کہ جب کوئی روڈ خراب کرتا ہے تو متعلقہ ادارہ ٹس سے مس نہیں ہوتا ،

شہریوں نے مطالبہ کیا کہ جو لوگ سرکاری سڑک کو خراب کرتے ہیں،ان کے خلاف سخت قانونی کارروائی عمل میں لائی جائے۔

Comments are closed.