ملیر ہالٹ ریلوے ٹریک کے قریب سے ایک نومولود بچی کی نعش ملنا انسانیت سوز فعل ہے رمضان چھیپا

خادِم اِنسانیت محمد رمضان چھیپا نے لوگوں سے اپیل کہ اولاد اللہ کی نعمت ہے،اسے قتل نہ کریں،چھیپا کے جھولے میں ڈالیں،بے اولادوں کی گود بھریں-

باغی ٹی وی : تفصیلات کے مطابق آج کراچی میں ایک نومولود بچی کی نعش ملنے پر خادِم اِنسانیت محمد رمضان چھیپا نے تشویش کا اظہار کیا -محمد رمضان چھیپا نے کہا کہ اولاد اللہ کی نعمت ہے،اسے قتل نہ کریں،چھیپا کے جھولے میں ڈالیں،بے اولادوں کی گود بھریں-

رمضان چھیپا کا کہنا تھا کہ ملیر ہالٹ ریلوے ٹریک کے قریب سے ایک نومولود بچی کی نعش ملنا انسانیت سوز فعل ہے-

انہوں نے کہا کہ خداکے واسطے،معصوم بچوں کوقتل نہ کریں، نالے اور کچرا کنڈیوں میں پھینک کرانہیں خونخوار درندوں کے رحم و کرم پر نہ چھوڑیں-

خادم انسانیت محمد رمضان چھیپا نے اس طرح کا جرم کرنے والوں سے اپیل کی کہ نومولودبچوں کوکچرا کنڈی اور نالوں میں پھینکنے کے بجائے، انہیں چھیپا سینٹرز پر نصب چھیپا جْھولے میں ڈال دیں-