ملک احسان ٹوانہ صحرائے تھل میں سبز انقلاب کیلیے بھرپور کوشاں ہیں

سرگودہا،نورپورتھل (نمائندہ باغی ٹی وی)
ممبر قومی اسمبلی ملک محمداحسان اللہ خان ٹوانہ کے پبلک فورم کے انچارج ملک غضنفر وڈھل نے کہا ہے کہ ایم این اے ملک محمداحسان اللہ خان ٹوانہ حلقہ این اے 94 کی تعمیر وترقی سمیت صحراۓ تھل میں سبز انقلاب لانے کے لیے بھرپور کوشاں ہیں۔ وہ پی ٹی آئ آفس جوہرآباد میں صحافیوں سے خصوصی گفتگو کررہے تھے۔ سابق چیرمین میونسپل کمیٹی مٹھہ ٹوانہ ملک فاروق ٹوانہ،سوشل ورکرز ملک خضرحیات عثمانی بوڑانہ، ملک محمد صابر وڈھل اور ملک الطاف ڈیوت بھی اس موقع پر موجود تھے۔ ملک غضنفر وڈھل نے کہا کہ ملک محمد احسان اللہ خان ٹوانہ نے گریٹر تھل کینال کے فیز ٹو کی تعمیر کے لیے وزیراعظم پاکستان عمران خان سے خطیر گرانٹ منظور کروا کر تھل کے کسانوں کے دل جیت لیے ہیں۔ اس میگا پراجیکٹ کی تکمیل سے تھل کے چاروں اضلاع کی لاکھوں ایکڑ اراضی سیراب ہوسکی گی اور وطن عزیز میں سبزانقلاب برپا ہوگا۔ ایم این اے ملک محمداحسان اللہ خان ٹوانہ کے پبلک فورم کے انچارج کے مطابق حلقہ این اے 94 میں فراہمی بجلی کی 87 سیکیمیں فائنل ہو چکی ہیں علاوہ ازیں متعدد اور سیکیمیں زیر غور ہیں۔ انہوں نے بتایا کہ جوہرآباد ،مٹھہ ٹوانہ ،بجار ،ہڈالی ودیگر علاقوں میں فراہمی سوئی گیس کے منصوبوں میں توسیع زیر غور ہے۔ ملک غضنفر وڈھل کے مطابق ممبرقومی اسمبلی ملک محمداحسان اللہ خان ٹوانہ صحت ،تعلیم سمیت دیگر شعبوں کی بہبود وترویج کے لیے بھی بتدریج ضروری اقدامات اٹھارہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.