ملک ریاض پھر منظر عام پر ،بزنس مین کا خوف ختم کرنا ہوگا،معیشت کے لیے تجاویز

اسلام آباد:پاکستان کی معروف کاروباری شخصیت اور بحریہ ٹاون کے مالک ملک ریاض کافی عرصہ ملکی منظر نامے سے غائب رہنے کے بعد اچانک اس وقت منظر عام پر آگئے جب ملک میں معاشی صورت حال سے نبٹنے کے لیے پاکستان تحریک انصاف کی حکومت طرح طرح کے منصوبے منظر عام پر لا رہے ہیں.معروف بزنس مین بحریہ ٹاون کے مالک ملک ریاض نے حکومت کو تجویز دیتے ہوئے کہا کہ حکومت کو چاہیے کہ پہلے وہ بزنس مین کا خوف ختم کرے .جب تک بزنس مین خوف میں رہے گا وہ بالکل سرمایہ کاری نہیں کرے گا.

ملک ریاض نے کہا کہ کاروباری کمیونٹی کو عزت دینا ہوگی .اگر کوئی ان سے متعلق معاملات ہیں تو ان کیمرہ ان کو آگاہ کرنا چاہیے .لطی پرایف آئی اے اورنیب "ان کیمرا”بات کرے .ملک ریاض نے حکومت کو مشورہ دیا کہ بزنس مین سے مجموعی ٹیکس لے لیں انکم ٹیکس نہ لیا جائے تو بہتر ہے.

ملک ریاض نے تجویز دی کہ اگر اس ملک کی معاشی اور معاشرتی صورت حال بہتر کرنا چاہتے ہیں تو تعلیم اورصحت کاروباری طبقے کے حوالے کئےجائیں .ملک ریاض نے حکومت کو ایک اور تجویز دی کہ حکومت کو چاہیے کہ حکومت گھی ،آٹا،چاول اورچینی کیلئےراشن سسٹم شروع کرے اس سے ملک میں غربت کے حوالے حکومت کو معاملات بہتر کرنے میں مدد ملےگی