ممنوعہ بور کے اسلحہ لائسنس لاکھوں روپے لے کر بنائے گئے ،سینیٹر بہرمند تنگی کا انکشاف

اسلام آباد:(محمد اویس) ممنوعہ بور کے اسلحہ لائسنس لاکھوں روپے لے کر بنائے جانے کا انکشاف ہوا ہے سینیٹ کے ایک بندے نے پیسے لینے میں فرنٹ مین کا کردار ادا کیا ہے-

باغی ٹی وی : سینیٹ کی قائمہ کمیٹی برائے قواعد وضوابط میں سینیٹر بہرمند تنگی نے انکشاف کیا ہے کہ ممنوعہ بور کے اسلحہ لائسنس لاکھوں روپے لے کر بنائے گئے ہیں سینیٹ کے ایک بندے نے پیسے لینے میں فرنٹ مین کا کردار ادا کیا ہے مجھے دو اسلحہ لائسنس جاری کئے جائیں جو میرا حق ہےکمیٹی نے بہرمند تنگی کو دو اسلحہ لائسنس جاکرنے کی سفارش کردی-

سینیٹر زرقا تیمور نے بتایاکہ 9ماہ سے ایف آئی اے نے ان کا نام نو فلائی لسٹ میں ڈالا ہے مگر میرے خط کا وزارت داخلہ جواب نہیں دے رہاہے کیا ہم ملک چھوڑ کر چلے جائیں ،سینیٹ کی قائمہ کمیٹی برائے قواعد وضوابط کا چیئرمین سینیٹر طاہر بزنجو کی زیر صدارت اجلاس ہوا۔

سینیٹر سلیم مانڈوی والا کی عدم حاضر پر سی اے اے کے حوالے سے ایجنڈا موخر کردیا گیا سینیٹر شفیق ترین کی عدم حاضری کی وجہ سے وزارت سائنس اینڈ ٹیکنالوجی کی حوالے سے ایجنڈا موخر کردیا گیااجلاس میں سیکرٹری داخلہ کے خلاف سینیٹر بہرا مند تنگی کی تحریک استحقاق کا جائزہ لیا گیا –

کامیاب ہو کر میٹرو کو قصور تک لے جائیں گے،شہباز شریف

سینیٹر بہرمند تنگی کے حوالے سے ایجنڈے پر انہوں نے کہاکہ وزارت داخلہ کمیٹی میں نہیں آئے اس کا نوٹس لیا جائے میرا استحقاق مجروح ہواہے وزارت حکام نے بتایا کہ سیکرٹری داخلہ میٹنگ میں ہیں سی ڈی اے بورڈ کی میٹنگ ہورہی ہے وہاں ہیں بہرمند تنگی نے کہاکہ مجھے دو ممنوعہ بور کے لائسنس نہیں دیئے جارہے ہیں یہ باحیثیت پارلیمنٹرین میراحق ہے لاکھوں روپے لے کر اسلحہ لائسنس جاری کئے گئے ہیں مگر ہمیں لائسنس نہیں دیئے جارہے ہیں۔سینیٹ کا ایک بندہ فرنٹ مین تھا جو پیسے لے کر لوگوں کو لائسنس بناتا تھا ۔میری تحریک استحقاق وفاقی سیکرٹری کے خلاف ہے، وہ یہاں موجود نہیں ہیں،سیکرٹری داخلہ میٹنگ میں کیوں نہیں آئے-

آرکٹک میں زومبی وائرسز کسی نئی عالمی وبا کا باعث بن سکتے ہیں،ماہرین

اسپیشل سیکرٹری داخلہ نے بتایا کہ سیکرٹری داخلہ وزیراعظم کی میٹنگ میں بیٹھے ہیں، بہرا مند تنگی نے کہاکہ ابھی تک جواب نہیں آیا، جواب کے ساتھ سیکرٹری داخلہ کا کمیٹی میں پیش ہونا بھی ضروری ہے، میرا یا میرے کولیگز کا حق ہے کہ ان کے تحفظ کے لئے دوممنوعہ بور کے اسلحہ لائسنس ہوں، میرے نام پر لائسنس نہیں ہے،بحیثیت پارلیمنٹیرین جو میرا حق ہے وہ مجھے دیں،سابق وزیر کی موجودگی میں ہزاروں لائسنس پیسوں پر جاری ہوئے، پھر پابندی لگی، جو ہزاروں اسلحہ لائسنس پیسوں پر جاری ہو گئے، تو کون فرنٹ مین ہے؟ دو لائسنس تو بحیثیت پارلیمنٹیرین میرا حق ہے بتائیں کہ گزشتہ چھ ماہ میں کتنے اسلحہ لائسنس جاری ہو چکے ہیں؟ حکام نے بتایا کہ یکم جنوری سے ممنوعہ بور کے لائسنس پر پابندی ہے۔

بیروزگاری سے تنگ شوہر نے بیوی اور تین بچوں کو قتل کرکے خودکشی کرلی

کمیٹی نے ہدایت کی کہ بہرمند تنگی کو دو ممنوعہ بور کے اسلحہ لائسنس جاری کئے جائیں، سینیٹر ڈاکٹر زرقا تیمور سہروردی نے کمیٹی کو بتایا کہ میرا نام نو فلائی لسٹ میں ڈالا ہے وزارت داخلہ جواب نہیں دے رہی ہے کہ کیوں نام ڈالا گیا ہے میں نے سیکرٹری کو یکم جنوری سے لیٹر لکھا ہوا ہے، کوئی جواب نہیں دیتے،9مہینے سے بغیر کسی ایف آئی آر کے نو فلائی لسٹ میں شامل کیا ہوا ہے، مجھے بتائیں میرا قصور کیا ہے،؟ کمیٹی نے سینیٹر بہرا مند تنگی کو اسلحہ لائسنس جاری کرنے کی سفارش کردی۔