fbpx

لڑکیوں کے اسکول جانے سے متعلق قوائد و ضوابط بنا رہے ہیں منفی پروپیگنڈے سے پرہیز کریں ذبیح اللہ مجاہد

کابل: طالبان ترجمان ذبیح اللہ مجاہد نے کہا ہے کہ داعش افغانستان کے لیے کوئی خطرہ نہیں ہےلڑکیوں کے علیحدہ تعلیمی انتظامات مکمل ہوتے ہی اسکول کھول دیئے جائیں گے۔

باغی ٹی وی :غیر ملکی خبر رساں ادارے کے مطابق ترجمان افغان طالبان ذبیح اللہ مجاہد نے کہا ہے کہ افغانستان میں لڑکیوں کے اسکول سے متعلق پراپیگنڈا بند ہونا چاہیے لڑکیوں کی علیحدہ کلاسز اور اساتذہ کا انتطام مکمل ہوتے ہی بچیوں کے لیے بھی اسکول کھول دیئے جائیں گے لڑکیوں کے اسکول جانے سے متعلق قوائد و ضوابط بنا رہے ہیں۔

افغان طالبان کی نیت پر شک کی کوئی وجہ نہیں: ترجمان پاک فوج

ذبیح اللہ مجاہد نے لڑکیوں کی تعلیم پر پابندی کے تاثر کو مسترد کرتے ہوئے کہا کہ لڑکیوں کی تعلیم کے حق میں ہیں اور شرعی حدود میں رہتے ہوئے تعلیم کی اجازت بھی دیں گے۔

انہوں نے کہا کہ لڑکیوں کے لیے ابھی علیحدہ کلاسز اور اساتذہ کا انتظام کیا جا رہا ہے اور اس عمل کے مکمل ہوتے ہی ملک میں لڑکیوں کے لیے بھی اسکول کھول دیئے جائیں گے۔

افغان طالبان کی فتوحات کے آگے بند باندھنے کے لیے احمد مسعود نے امریکی مدد کیلئے…

ترجمان طالبان نے واضح طور پر کہا کہ عالمی فنڈز کو جاری کرنے پر شرائط رکھنا غیرمناسب ہے انہوں نے کہا کہ خواتین کی دفاتر میں واپسی کے لیے وزارتوں کو گائیڈ لائنز جاری کی ہیں۔

ترجمان طالبان ذبیح اللہ مجاہد نے کہا کہ عالمی برادری سے بات چیت کے لیے تیار ہیں انہوں نے واضح کیا کہ داعش افغانستان کے لیے کوئی خطرہ نہیں ہے۔

ترجمان افغان طالبان نے کہا کہ انتظامات مکمل ہونے اور لڑکیوں کے لیے اسکول جانے کے آغاز کی تفصیلات سے میڈیا کو بھی آگاہ کیا جائے گا تب تک میڈیا سے گزارش ہے کہ منفی رپورٹنگ سے پرہیز کریں۔

فرانسیسی فورسز نے سربراہ داعش ‘صحارا’ عدنان ابو ولید کو ہلاک…

واضح رہے کہ طالبان حکومت کی وزارت تعلیم کی جانب سے جاری بیان میں سیکنڈری اور ہائر سیکنڈری اسکولوں میں صرف لڑکوں اور مرد اساتذہ کو تدریسی عمل جاری رکھنے کے لیے مدعو کیا گیا تھا۔