اداکار ومیزبان مانی کا ڈاکٹر فردوس عاشق اعوان کوقیمتی مگردلچسپ مشورہ

نامور ٹی وی میزبان اور مزاحیہ اداکار سلمان ثاقب شیخ عرف مانی نے پاکستان تحریک انصاف کی رکن ڈاکٹر فردوس عاشق اعوان کو نہایت اہم مشورہ دیا ہے۔

باغی ٹی وی : اداکار مانی اپنی اہلیہ اور اداکارہ حرا کے ساتھ حال ہی میں آغا علی اور حنا الطاف کے ’دی کپل شو‘ میں شریک ہوئے شو میں ایک سیگمنٹ کے دوران حرا اور مانی کو پاکستان کی چند مشہور شخصیات کو مشورے دینے تھے۔

اداکارہ ہانیہ عامر کو مشورہ دیتے ہوئے مانی نے کہا انہیں اردو کی کتابیں پڑھنی چاہئیں جبکہ فردوس عاشق اعوان کو مشورہ دیتے ہوئے مانی نے کہا مریم نواز کا میک اپ آرٹسٹ بہت اچھا ہے لہذا فردوس عاشق اعوان کو چاہئے کہ وہ مریم نواز والے میک اپ آرٹسٹ سے اپنا میک اپ کروائیں۔

حرا نے مانی کی بات کو آگے بڑھاتے ہوئے مریم نواز کی خوبصورتی کے بارے میں کہا آج ہرعورت گھر میں مریم نواز سے جل رہی ہے کیونکہ اس کا میاں بیٹھ کر ٹی وی پر صرف مریم نواز کو دیکھتا رہتا ہے کہ آخر اس نے چہرے پر کروایا کیا ہے۔

واضح رہےکہ اسی انٹرویو کے دوران حرا نے بتایا تھا کہ انہوں نے اپنی زندگی میں اتنا مشکل دور بھی دیکھا ہے کہ میرے اور مانی کے اکاؤنٹ میں محض دس ہزار روپے تھے اور اس وقت مانی نے اپنی پروڈکشن شروع کی تھی اس کے علاوہ ہمارا گھر بھی نہیں بک رہا تھا ہم پھنس کر رہ گئے تھے۔ وہ دور مالی لحاظ سے ہمارے لیے بہت مشکل تھا۔ جب کہ دوسری جانب جب ہمارے پاس پیسوں کی کمی تھی تو اس وقت میرا ڈراما ’’سن یارا‘‘ ہٹ ہوگیا۔

مانی نے بتایا تھا کہ آج سے چار پانچ سال پہلے جب حرا ٹی وی پر زیادہ ہٹ نہیں تھیں اور وہ لوگ مالی مشکلات سے گزررہے تھے اس وقت وہ لوگ کسی کی سالگرہ پر مارننگ شو میں گئے تھے، جہاں ایک اداکار نے ان کے ساتھ مارننگ شو میں آنے سے منع کردیا اور کہا کہ ہم حرا اور مانی کے ساتھ کھڑے ہوکر شو میں انٹر بھی نہیں ہوگے۔ مانی نے اس اداکار کانام تو نہیں بتایا تاہم مانی نے کہا یہی حقیقت ہے جب آپ ہٹ ہوتے ہیں تو آپ کے پیچھے سب ہوتے ہیں اور جب آپ فلاپ ہوتے ہیں تو لوگ دو منٹ میں آپ کا ساتھ چھوڑ دیتے ہیں یہی انڈسٹری ہے۔

چند سال قبل حرا اور مانی کو کیا ناخوشگوار واقعہ پیش آیا؟