fbpx

منیشا لامبا نے مداحوں سے براہ راست رابطے کیلئے ایپ لانچ کر دی

بالی ووڈ اداکارہ منیشا لامبا نے مداحوں سے براہ راست بات چیت اور رابطے کے لیے ایپ لانچ کردی۔

بغی ٹی وی : مداح اپنے پسندیدہ اداکار یا اداکارہ کی جانب سے رد عمل اور کمنٹس کے منتظر رہتے ہیں مداح ہمیشہ ان کی تصاویر اور ویڈیوز پر اس امید سے پیغامات لکھتے ہیں کہ کوئی جواب مل جائے گا، لیکن ایسا نہیں ہوتا۔

بھارتی میڈیا کے مطابق اب مداحوں کی اس مشکل کو حل کرنے کے لیے منیشا لامبا نے ایک ایسی ایپ لانچ کی ہے جس کے ذریعے مداح ان سے براہ براست بات چیت کر سکیں گے۔

منیشا لامبا نے کہا ہے کہ مداحوں کی جانب سے میرے سوشل میڈیا اکاؤنٹس پر لاکھوں پیغامات آتے ہیں جنہیں پڑھنا اور جواب دینا ایک مشکل امر ہے، اداکارہ بننے سے قبل میں بھی اپنے پسندیدہ اداکاروں کو پیغامات بھیجتی تھی اور جواب نہ ملنے پر مایوسی ہوتی تھی۔

منیشا لامبا نے کہا کہ اپنے مداحوں کی اس مایوسی کو ختم کرنے کے لیے ایک ایسی ایپ لانچ کردی ہےجس کے ذریعے مداح مجھ سے براہ راست بات چیت اور ویڈیو کال کر سکیں گے، یہ سلسلہ شروع ہوچکا اور ہمیشہ رہے گا۔

اداکارہ نے مداحوں کو کورونا وبا میں اپنا خیال رکھنے اور کورونا ایس او پیز پر عمل کی بھی تاکید کی۔ تاہم ابھی تک منیشا لامبا کی ایپ کا نام سامنے نہیں آیا۔

بھارت میں بڑھتے جنسی واقعات ادکارہ راکول پریت سنگھ پھٹ پڑیں