سنجے دت کی اہلیہ مانیتا دت کا جذباتی پیغام

مہلک مرض پھیپھڑوں کے کینسر میں مبتلا بالی وڈسُپر اسٹار اداکار سنجے دت کی اہلیہ مانیتا دت نے شوہر کو حوصلہ دیتے ہوئے ایک جذباتی پیغام شئیر کیا-

باغی ٹی وی :مانیتا دت نے سوشل میڈیا ویب سائٹ انسٹاگرام پر شوہر سنجے دت کے ہمراہ لی گئی ایک تصویر شیئر کی جس میں لکھا کہ اس چیز میں آپ کو برداشت کرنے کو حوصلہ ہو اسی چیز سے آپ کو آزمائش میں ڈالا جاتا ہے۔


انہوں نے لکھا کہ سنجے آپ ہمیشہ سے دوسروں کا سہارا بنتے آئے ہیں، ہم ہمیشہ زندگی بھر ساتھ چلتے رہیں گے۔

سنجے دت کی اہلیہ نے کچھ ہیش ٹیگز love #grace #positivity #dutts #beautifulllife #thankyougod# کا استعمال کرتے ہوئے بتایا کہ وہ اور ان کی فیملی آزمائش کی گھڑی میں کس طرح مضبوطی اور ہمت و جرات کا مظاہرہ کرتے ہوئے ایک ساتھ کھڑے ہیں۔

یاد رہے کہ گزشتہ ماہ سنجے دت کو تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں اور اب ان کے علاج سے متعلق خبریں ہیں کہ ان کی پہلی کیموتھراپی مکمل ہوگئی ہے۔

بھارتی میڈیا رپورٹس کے مطابق سنجے دت کی دوسری کیموتھراپی آئندہ ہفتے 8 یا 9 ستمبر کے قریب شروع ہونے کا امکان ہے تاہم ابھی یہ نہیں بتایا گیا ہے کہ اداکار کو کتنی کیموتھراپی کی ضرورت ہے ۔

خیال رہے کہ بھارتی میڈیا کے مطابق پہلے سنجے دت نے علاج کے لیے امریکہ جانے کا فیصلہ کیا تھا اور طبی بنیادوں پر 5 سال کے لیے امریکہ کا ویزا حاصل کرلیا ہے بعدازاں انہوں نے اپنا علاج ممبئی کے کوکیلا بین اسپتال میں شروع کروالیا۔

کیا سنجے دت امریکا کے بجائے ممبئی سے علاج کروائیں گے؟اشارے مل گئے

2 دن تک زیر علاج رہنے کے بعد سنجے دت ہسپتال سے ڈسچارج

بولی وڈ اداکارسنجے دت سانس لینے میں مشکلات کی شکایت پر ہسپتال میں داخل

 

جواب چھوڑیں

آپ کا ای میل ایڈریس شائع نہیں کیا جائے گا.