منشیات کیس، رانا ثناءاللہ کے بعد ایک اور بڑی گرفتاری، ن لیگ میں کھلبلی مچ گئی

منشیات کیس میں گرفتار مسلم لیگ ن کے رکن قومی اسمبلی راناثناءاللہ کے پرسنل سیکرٹری طارق جانباز کو گرفتار کر لیا گیا ہے

باغی ٹی وی کی رپورٹ کے مطابق طارق جانبازکوآصف بٹ اورعمران بٹ قتل کیس میں گرفتارکیاگیا ہے،راناثنااللہ کا داماد رانا شہریار پہلے ہی قتل کیس میں گرفتارہے ،پولیس نے طارق جانبازکوتفتیش کیلئے نامعلوم مقام پرمنتقل کردیا ہے،

واضح رہے کہ رانا ثناء اللہ کو انسداد منشیات فورس نے گرفتار کیا تھا بعد ازاں عدالت میں پیش کیا ،رانا ثناء اللہ لاہور کی کیمپ جیل میں قید ہیں، رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی

نیب نے رانا ثناء اللہ کے اثاثوں کا ریکارڈ طلب کر لیا ہے، نیب نے رانا ثناء اللہ کے اثاثوں کی چھان بین کا آغاز کر دیا ہے اور ڈپٹی کمشنر کو ایک فہرست بھیج کر رانا ثناء اللہ کے اثاثوں کی ملکیت کا ریکارڈ طلب کیا ہے. نیب کی جانب سے بھجواگئی گئی فہرست ڈی سی نے محکمہ ریونیو کو بھیج کر جواب طلب کر لیا.

قبل ازیں وزارت اینٹی نارکوٹکس کی جانب سے پنجاب پولیس کو مراسلے کے بعد پنجاب پولیس نے تمام ڈی پی اوز کو مراسلہ جاری کیا ہے جس میں ن لیگی رکن قومی اسمبلی اور دیگر گرفتار ملزمان کے کرمینل ریکارڈ، منی لانڈرنگ ،دہشت گرد تنظیموں کے ساتھ تعلق، فنڈنگ اور منیشات کی لین دین کا ریکارڈ طلب کیا ہے.

اے این ایف نے بھی رانا ثناء اللہ کے حوالہ سے چالان عدالت میں جمع کروا دیا ہے، اے این ایف نے رانا ثناء اللہ کو چالان میں قصور وار قرار دے دیا ہے ،

جواب چھوڑیں

آپ کا ای میل ایڈریس شائع نہیں کیا جائے گا.