بیساکھی میلہ: بھارت سمیت دنیا بھر سے سکھ یاتریوں کی آمد متوقع

0
43

سکھ مذہب کے بیساکھی میلہ کی تقریبات چودہ اپریل سے حسن ابدال میں شروع ہوں گی۔ بھارت سمیت دنیا بھر سے سکھ یاتریوں کی آمد متوقع ہے ، تقریبات میں ایس او پیز پر من و عن عمل درآمد کرایا جائے گا۔ تین روزہ تقریبات کی مرکزی تقریب چودہ اپریل کو حسن ابدال ہوگی ، بھارتی مہمان پہلی مرتبہ کرتار پور قیام کریں گے اس کے بعد ننکانہ صاحب، لاہور، سچاسودا سمیت تمام مذہبی مقامات پر حاضری دیں گے۔

پاکستان سکھ گورودوارہ پربندھک کمیٹی کا اجلاس چیئرمین متروکہ وقف املاک بورڈ ڈاکٹر عامر احمد کے زیر صدات بورڈ آفس میں گذشتہ روز منعقد ہوا جس میں پردھان سردار ستونت سنگھ، جنرل سیکرٹری سردارامیر سنگھ، بورڈ کے ایڈیشنل سیکرٹری شرائنز طارق وزیراور چاروں صوبوں سے سکھ ممبران نے شرکت کی۔اجلاس میں بیساکھی میلہ کی تقریبات کے سلسلے اہم فیصلے کیے گئے۔

ترجمان بورڈ عامر ہاشمی کے مطابق متروکہ وقف املاک بورڈ نے بیساکھی میلہ کے سلسلے میں تمام تر انتظامات مکمل کرلئے ہیں اورچیئرمین بورڈ سمیت سکھ رہنماﺅں نے ان پر اطمینان کا اظہار کیا ہے ۔ طارق وزیر کی سربراہی میں ڈپٹی سیکرٹری عمران گوندل اوردیگر افسران بیساکھی میلہ کے انتظامات کی نگرانی کررہے ہیں ۔ کرونا وائرس کی وجہ سے بیساکھی میلہ کے دوران ایس او پیز پر مکمل عملدرآمد کیا جائے گا۔ وزیراعظم عمران خان کی ہدایات کی روشنی میں ہم اپنی اقلیتوں کی خدمت میں مصروف عمل ہیں ۔ سکیورٹی سمیت تمام تر انتظامات فول پروف ہوں گے۔ رہائشیوں کی رہائشی، ٹرانسپورٹ، قیام و طعام ، میڈیکل کے انتظامات مکمل کیے جاچکے ہیں۔

Leave a reply