مقامی عدالت نے کورونا ویکسین نہ لگانے پر گرفتار شہریوں کو فوری رہا کرنے کا حکم دیدیا

) مقامی عدالت نے کورونا ویکسین نہ لگانے پر گرفتار شہریوں کو فوری رہا کرنے کا حکم دیدیا۔ہفتہ کو کراچی سٹی کورٹ میں جوڈیشل مجسٹریٹ جنوبی کی عدالت میں کورونا ویکسین نہ لگانے پر گرفتاری کے مقدمے کی سماعت ہوئی۔
ٹیپو سلطان پولیس نے 3 گرفتار شہریوں کو عدالت میں پیش کیا۔ گرفتار شہریوں میں عبدالواحد اور حکیم و دیگر شامل ہیں۔ جوڈیشل مجسٹریٹ جنوبی نے ضابطہ فوجداری کی دفعہ 63 کے تحت مقدمہ خارج کردیا۔ عدالت نے تینوں شہریوں کو رہا کرنے کا حکم دیدیا۔ پولیس نے ایس او پیز کی خلاف ورزی تحت مقدمہ درج کیا تھا۔