fbpx

مقبوضہ کشمیر میں برقع خاتون کا فوجی کیمپ پر حملہ ، افسران کی دوڑیں لگ گئیں، ویڈیو وائرل

سری نگر: مقبوضہ کشمیر میں ایک برقع پوش خاتون نے بھارتی پیرا ملٹری فورس کے کیمپ پر پٹرول بم حملہ کر دیا-

باغی ٹی وی :بھارتی خبررساں ایجنسی اے این آئی کے مطابق مقبوضہ کشمیر کے ضلع سوپور کے علاقے میں واقع سینٹرل ریزرو پولیس فورس کے کیمپ پر پٹرول بم سے حملہ کیا گیا۔ حملے سے افسران اور اہلکار خوف زدہ ہوکر بھاگ کھڑے ہوئے۔

اسپائس جیٹ کا طیارہ ایئرپورٹ پر بجلی کے پول سے کیوں ٹکرایا؟ اہم حقائق سامنے آگئے


سینٹرل ریزرو پولیس فورس کے کیمپ پر لگے سی سی ٹی وی کیمروں کی فوٹیج وائرل ہوگئیں جس میں دیکھا جا سکتا ہے کہ برقع پوش خاتون پیدل آتے ہوئے سیکیورٹی کیمپ کے مرکزی دروازے کے سامنے کھڑی ہوجاتی ہیں۔

خاتون نے تھیلے سے پٹرول بم نکالا اور سینٹرل ریزرو پولیس فورس کے کیمپ کی جانب پھینک دیا تاہم یہ بم اندر داخل نہ ہوسکا اور دروازے پر ہی گر گیا۔

پٹرول بم گرنے سے دروازے پر آگ بھڑک اُٹھی جسے ایک سیکیورٹی اہلکار نے بجھا دیا۔ حملے کے بعد خاتون کی تلاش میں پورے علاقے کا محاصرہ کرلیا گیا۔

سوپور پولیس کے چیف کا کہنا ہے کہ حملہ آور خاتون کہیں نہیں چھپ سکتیں۔ انھیں جلد یا بدیر گرفتار کرلیا جائے گا۔

ہندو اگرشاہ رخ خان کی فلموں کا بائیکاٹ کردیں، تو وہ سڑکوں پر آجائیں گے ،ہندوانتہا پسند وزیراعلی