ورلڈ ہیڈر ایڈ

مقبوضہ کشمیر، سید علی گیلانی کو پریس کانفرنس سے روک دیا گیا

مقبوضہ جموں و کشمیر کے دارالحکومت سرینگر میں حریت کانفرنس (گ) کے چیئرمین سید علی گیلانی کو مقامی پولیس نے پریس کانفرنس کرنے کی اجازت نہیں دی اور تمام صحافیوں کو ان کی رہائش گاہ سے نکل دیا۔

بھارتی حکومت کشمیر میں کیا کرنے جارہی ہے؟ سید علی گیلانی نے پول کھول دیا، بڑی خبر

واضح رہے کہ حریت رہنما سید علی گیلانی نے آج اپنی رہائش گاہ پر صحافیوں کو پریس کانفرنس کے لیے بلایا تھا۔ انتظامیہ کی جانب سے سید علی گیلانی کی حیدرپورہ میں واقع رہائش گاہ پر صبح میں سکیورٹی کے اضافی انتظامات کیے گئے۔ سکیورٹی فورسز نے گیلانی کے گھر کی جانب جانے والے تمام راستوں کو سیل کر دیا اور کسی بھی صحافی کو ان کے گھر کے نزدیک جانے کی اجازت نہیں دی۔

حریت کانفرنس کے رہنما سید علی گیلانی کو چار اگست کو ان کی رہائش گاہ میں نظر بند کر دیا گیا تھا جو سرینگر کے حیدر پورہ میں واقع ہے۔

یاد رہے کہ ایک طرف تو بھارتی حکومت جمہوریت پسندی اور مقبوضہ جموں و کشمیر میں حالات کی بہتری کا دعوی کر رہی ہے۔ دوسری حریت رہنماﺅں کو بولنے کی اجازت بھی نہیں دی جا رہی ۔

جواب چھوڑیں

آپ کا ای میل ایڈریس شائع نہیں کیا جائے گا.