مقبوضہ کشمیر، بھارتی فوج کے مظالم جاری، مزید 4 کشمیری شہید

0
26

باغی ٹی وی کی رپورٹ کے مطابق مقبوضہ کشمیر میں بھارتی فوجیوں کے ہاتھوں 4 مزید کشمیری نوجوان شہید کر دیئے گئے، تین دن میں 8نوجوانوں کی شہادتیں ہو گئیں

مقبوضہ کشمیرمیں بھارتی فوجیوں نے ضلع شوپیاں میں 4مزید کشمیری نوجوانوں کو شہید کردیا۔ساوتھ ایشین وائر کے مطابق فوجیوں نے نوجوانوں کو ضلع کے علاقے آمشی پورہ میں تلاشی اور محاصرے کی ایک کارروائی کے دوران شہید کیا۔ فوج کے ترجمان کرنل راجیش کالیا نے بتایا کہ حریت پسندوں کی موجودگی کی خفیہ اطلاع ملنے کے بعد فورسز نے شوپیاں میں آپریشن شروع کیا ۔

اس سے قبل جمعہ کی صبح جموں و کشمیر میں جنوبی کشمیر کے کولگام میں سیکیورٹی فورسز کے ساتھ مقابلے میں3 کشمیری نوجوانوں کو شہید کر دیا گیا۔جبکہ 3 فوجی اہلکار زخمی ہوئے ۔ شہید نوجوانوں کا تعلق جیش محمد سے بتایاجاتاہے۔

مقبوضہ جموں و کشمیر کے سرحدی ضلع کپواڑہ کے کیرن سیکٹر میں جمعرات کے روز فوج نے ایک حریت پسند کشمیری نوجوان کو شہید کردیا ۔

پولیس ذرائع نے ساوتھ ایشین وائر کو بتایا کہ جنوبی کشمیر میں پچھلے 19 دنوں کے دوران 32 حریت پسند شہید ہوچکے ہیں ، جن میں 2 ہفتے سے بھی کم عرصے میں صرف شوپیاں میں 22 علیحدگی پسند شہید ہوئے ہیں۔

Leave a reply