کورونا وائرس : ماریہ بی برانڈ کا روازنہ 1000 ماسک تیار کرنے کا اعلان

پاکستان میں کورونا وائرس کے مریضوں کی تعداد میں تیزی سے اضافہ ہورہا ہے اور کئی نامور ڈیزائنرز اور فنکار اس وائرس کے خلاف فرنٹ لائن پرجنگ کرنے والے طبی عملے کے لیے حفاظتی لباس تیار کررہے ہیں

باغی ٹی وی : پاکستان میں کورونا وائرس کے مریضوں کی تعداد میں تیزی سے اضافہ ہورہا ہے اور کئی نامور ڈیزائنرز اور فنکار اس وائرس کے خلاف فرنٹ لائن پرجنگ کرنے والے طبی عملے کے لیے حفاظتی لباس تیار کررہے ہیں اور اب پاکستان کی نامور ڈیزائنر ماریہ بی نے بھی ہر روز ایک ہزار ماسک بنانے اور لوگوں میں تقسیم کرنے کا اعلان کردیا ہے برانڈ 100،000 ماسک تیار کرے گا انہوں نے دو ہیش ٹیگ MaskForAllPakistan اور Mask4All بھی استعمال کئے

برانڈ کی جانب سے جاری پریس ریلیز میں ماریہ بی کا کہنا تھا کہ ماریہ بی برانڈ نے ہمیشہ آگے بڑھ کر پاکستا ن اور اس میں رہنے والوں کی مدد کی ہے ہم حکومت اور دیگر تنظیمات کے ساتھ مل کر کورونا کے خلا ف بھی بہت کا م کررہے ہیں پھر چاہے وہ ضرورت مندوں میں راشن بانٹنا ہو، یا پھر تعلیم پر کام ہو

انہوں نے کہا کہ ہم لوگوں سے اپیل کرتے ہیں کہ ایک دوسرے کے لیے ایک ساتھ مل کر کام کریں تاکہ ہم ایک قوم بن سکیں ڈیزائنر نے بتایا کہ ان کی ٹیم نیشنل ڈیزاسٹر مینجمنٹ اتھارٹی کے ساتھ مل کر بھی کام کررہی ہے اور کورونا کے خلاف احتیاطی تدابیر اختیار کرتے ہوئے انہیں ہینڈ سینیٹائزرز، ماسک، دستانے دستانے ، چہرے کی ڈھالیں ، ٹوپیوں کے ساتھ ساتھ جوتوں کے کور وغیرہ بھی فراہم کر رہی ہے

جواب چھوڑیں

آپ کا ای میل ایڈریس شائع نہیں کیا جائے گا.