پاکستان شوبز انڈسٹری کی اُبھرتی ہوئی اداکارہ مریم نفیس بھی کورونا وائرس کا شکار ہو گئیں ہیں-

باغی ٹی وی : اس حوالے سے اداکارہ مریم نفیس نے سماجی رابطے کی ویب سائٹ انسٹاگرام پر اپنی سیفلی پوسٹ کی ہے جو اُنہوں نے آئسولیشن کے دوران لی۔

انسٹاگرام پر سیلفی پوسٹ کرتے ہوئے مریم نفیس نے کیپشن میں لکھا کہ میں آپ سب کو آئسولیشن سے سلام بھیج رہی ہوں کیونکہ بدقسمتی سے وہ بھی عالمی وبا کورونا وائرس کا شکار ہوگئی ہوں۔

مریم نفیس نے کہا کہ مجھے کورونا وائرس کی علامات ظاہر ہوئیں جس کے بعد میں نے اپنا کورونا ٹیسٹ کروایا اور اُس کے نتائج مثبت آئے ہیں۔

اداکارہ نے مداحوں سے دُعا کی اپیل کرتے ہوئے کہا کہ میری جلد صحت یابی کے لیے دُعا کریں۔

اُنہوں نے لوگوں کو کورونا وائرس کی احتیاطی تدابیر اختیار کرنے کا مشورہ دیتے ہوئے کہا کہ براہِ کرم ماسک پہنیں، سماجی فاصلے کا خیال رکھیں، خود بھی محفوظ رہیں اور اپنے آس پاس کے لوگوں کو بھی اس وائرس سے بچائیں۔

مریم نفیس کی پوسٹ پر بڑی تعداد میں مداحوں کی جانب سے اُن کے لیے دُعائیہ پیغامات بھیجنے کا سلسلہ جاری ہے۔

عامر لیاقت حسین نے عالمی وبا کورونا وائرس کو شکست دے دی

واضح رہے کہ اس سے قبل کئی فنکار کورونا وائرس کا شکار ہو چکے ہیں جن میں عامر لیاقت حسین اور ان کی اہلیہ طوبی عامر ،اداکار امیر گیلانی ،گلوکارجواد احمد ،عثمان مختار ، فروا علی کاظمی ،ماڈل صحیفہ جبار ، روبینہ اشرف ، اداکار یاسر نواز اور ان کی اہلیہ ندا یاسر ،واسع چوہدری اور دیگر شامل ہیں-

واضح رہے کہ پاکستان میں کورونا وائرس کے کیسز کی تعداد آج 28 نومبر کی دوپہر تک 3 لاکھ 92 ہزار 3سو 56ہو چکی ہے جبکہ اس موذی وبا سے جاں بحق افراد کی کُل تعداد 7 ہزار 942 تک جا پہنچی ہے۔

عامر لیاقت حسین کورونا وائرس کے باعث طبیعت بگڑنے پر ہسپتال منتقل

ڈاکٹرعامر لیاقت اہلیہ طوبیٰ عامر سمیت کرونا وائرس کا شکار

ایک اوراداکار امیر گیلانی بھی کورونا وائرس کا شکار ہوگئے

جواد احمد عالمی وبا کورونا وائرس کا شکار ہوگئے

عثمان مختار کے بعد ماڈل فروا علی کاظمی بھی کورونا وائرس کا شکار

عثمان مختار بھی عالگیر وبا کورونا وائرس میں مبتلا ہو گئے

ماڈل صحیفہ جبار بھی کورونا وائرس کا شکار