سوشل میڈٰیا پر مریم نواز کی گلوکاری کے چرچے،ایک اور ویڈیو وائرل

ن لیگ کی مرکزی نائب صدرمریم نواز کے بیٹے جنید صفدر کی شادی کے سلسلے میں منعقد کی جانے والی تقریب میں مریم کے گانے کی ایک اور ویڈیو وائرل ہوگئی۔

باغی ٹی وی : خوبصورت آوازیں گزشتہ روز ہونے والی تقریب میں مریم نواز اور حمزہ شہباز کے گانوں نے سوشل میڈیا پر دھوم مچا دی جو ابھی تک جاری ہے گزشتہ روز مریم نواز کی آواز میں ویڈیو سوشل میڈیا پلیٹ فارمز پر وائرل تھی جس میں وہ گانا ’جب کوئی بات بگڑ جائے‘ گنگنا رہی تھیں ویڈیو میں مریم نواز خود تو دکھائی نہیں دی تھیں تاہم ان کی آواز نے مداحوں کو کافی حیران کیا۔

بیجنگ ونٹر اولمپکس 2022،امریکہ کا سفارتی بائیکاٹ کا اعلان

اب ایک اور ویڈیو آئی ہے جس میں دیکھا جاسکتا ہے کہ تقریب میں پرفارم کرنے والے گلوکار بھارتی گلوکارہ آشا بھوسلے اور محمد رفیع کا شہرہ آفاق گانا ‘چُرا لیا ہے تم نے جو دل کو’ گا رہے ہیں۔

Maryam Nawaz politician and a mother singing in his son sangeet ceremony. Finally a Happy moments for sharif family. #junaidsafdar #MaryamNawaz @MaryamNSharif @ZeshanMalick @MuhammadJSafdar pic.twitter.com/Rbi4lW2dzN

— Muhammad Asim Naseer (@AsimNaseer81) December 7, 2021

گلوکار پرفارمنس کے دوران اپنا مائیک مریم نواز کو تھماتے ہیں جس پر مریم گانے کا تسلسل توڑے بغیر اسے گانا شروع کرتی ہیں۔

جبکہ گزشتہ روز حمزہ شہباز نے ’’ ہمیں تم سے پیار کتنا یہ ہم نہیں جانتے‘‘ گا کر محفل لوٹ لی، جہاں ان کے ساتھ اسٹیج پر مریم نواز بھی بیٹھی نظر آئیں مریم نواز اور حمزہ شہباز کے ایک ساتھ بیٹھے گانے کی ویڈیو سوشل میڈیا پر آتے ہی وائرل ہو گئی جسے صارفین کی طرف سے بے حد پسند کیا جا رہا ہے۔

اس سے قبل جنید صفدر نے اپنے نکاح کی تقریب میں ‘کیا ہوا تیرا وعدہ’ گنگنایا تھا جسے صارفین نے بے حد پسند کیا تھا اور ویڈیو کئی روز تک سوشل میڈیا پر وائرل رہی تھی

بیٹے کی شادی کی تقریب میں مریم نواز کے گانا گانے کی ویڈیو وائرل

مریم نواز کی وائرل ویڈیو پر صارفین اپنے تبصرے پیش کررہے ہیں، مداحوں نے جنید صفدر اور مریم نواز کی آوازوں کا موازنہ بھی کیا اور کہا کہ دونوں کی آوازیں سحر انگیز ہیں۔

واضح رہے کہ جنید صفدر کے ولیمے کی تقریب 17 دسمبر کو لاہور میں ہوگی جب کہ بیٹے کے ولیمے کے باعث مریم نواز نے کچھ روز کیلئے سیاسی سرگرمیاں معطل کر دی ہیں رائیونڈ میں ہونے والی اس تقریب میں مریم نواز کے شوہر کیپٹن ریٹائرڈ صفدر، مسلم لیگ ن کی ترجمان مریم اورنگزیب سمیت مسلم لیگ ن کے دیگر رہ نما شریک ہیں۔