سعد فاروق
پاکستان اسٹاک ایکسچینج (PSX) میں ایک روزہ شدید مندی کے بعد آج سرمایہ کاروں کا اعتماد بحال ہوا اور بازارِ حصص میں زبردست تیزی دیکھنے میں آئی، جس کے نتیجے میں کے ایس ای 100 انڈیکس میں 3,647 پوائنٹس کا شاندار اضافہ ریکارڈ کیا گیا۔
باغی ٹی وی کے مطابق کاروباری ہفتے کے آخری روز ابتدائی لمحات سے ہی مارکیٹ میں مثبت رحجان دیکھا گیا اور انڈیکس 849 پوائنٹس اضافے کے ساتھ 104,375 پوائنٹس پر پہنچا۔ کاروبار کے دوران یہ تیزی مزید بڑھی اور ایک موقع پر انڈیکس 2,115 پوائنٹس کے اضافے کے ساتھ 105,642 پوائنٹس تک پہنچ گیا۔
تاہم دن بھر مارکیٹ میں اتار چڑھاؤ کا سلسلہ بھی جاری رہا اور ایک موقع پر انڈیکس 536 پوائنٹس کی کمی کے بعد 102,990 پوائنٹس تک گر گیا۔ اس کے بعد معمولی بحالی دیکھنے میں آئی اور انڈیکس دوبارہ 103,669 پوائنٹس تک پہنچا۔پاکستان اسٹاک ایکسچینج کی ویب سائٹ کے مطابق کاروبار کے اختتام پر کے ایس ای 100 انڈیکس 3,647 پوائنٹس کے اضافے کے ساتھ 107,174 پوائنٹس پر بند ہوا، جو ایک دن میں ہونے والے بڑے اضافوں میں سے ایک ہے۔
یہ بحالی ایک ایسے وقت میں سامنے آئی ہے جب گزشتہ روز پاک بھارت کشیدگی کے باعث مارکیٹ میں بدترین مندی دیکھی گئی تھی۔ جمعرات کے روز اسٹاک مارکیٹ 6,482 پوائنٹس یا 5.89 فیصد گر کر 103,526 پوائنٹس پر بند ہوئی تھی، جو کہ پی ایس ایکس کی تاریخ کی دوسری سب سے بڑی ایک روزہ کمی تھی۔ اس سے قبل سب سے بڑی کمی گزشتہ ماہ امریکی ٹیرف کے اعلان کے بعد 8,700 پوائنٹس کی ریکارڈ کمی کی صورت میں دیکھی گئی تھی۔
وزیراعظم سے سعودی وزیر خارجہ کی ملاقات، پاک بھارت کشیدگی پر اظہار تشویش
بھارتی فوجی حکام کی پریس بریفنگ بے نتیجہ، پاکستان پر روایتی الزامات دہرا دیے
بھارتی سازش ناکام، پاکستان کیلئے آئی ایم ایف کی ایک ارب ڈالر قسط منظور
