معرف بالی وڈ مسلمان ہدایتکار نے شادی کر لی

معروف بالی وڈ فلموں کے ہدایت کار علی عباس ظفر نے کورونا وبا کے دوارن خاموشی سے شادی کرلی ہے۔

باغی ٹی وی : بھارتی میڈیا رپورٹس کے مطابق بالی وڈ سُپر اسٹار سلمان خان کی فلم ’ٹائیگر زندہ ہے‘ اور فلم ’سلطان‘ کے ہدایت کار علی عباس ظفر رشتہ ازدواج میں منسلک ہوگئے ہیں۔

اپنی شادی کا اعلان ہدایت کار نے ایک سوشل میڈیا پوسٹ کے ذریعے کیا جس میں انہوں نے دلہن کی تصویر دکھانے سے گریز کیا تاہم بس یہ دکھایا گیا کہ دولہا دلہن نے ایک دوسرے کا ہاتھ تھام رکھا ہے۔

علی عباس ظفر نے بیگم کا ہاتھ تھامے تصویر پوسٹ کی جس کے کیپشن میں ’بسم اللہ‘ لکھا –

علی عباس ظفر نے شادی کرلی تاہم اہلیہ کے حوالے سے کوئی معلومات نہیں دی ہیں۔

تاہم دو گھنٹے قبل شئیر کی گئی پوسٹ میں علی عباس ظفر نے اپنی اہلیہ کے ساتھ ایک تصویر شئیر کر کے مداحوں کو سسپنس سے نکال دیا –
انسٹاگرام پر شئیر کی گئی تصویر میں علی ظفر عباس اہلیہ علیشیہ ظفر کے ساتھ تصویر شئیر کی تاہم ہدایتکار کی اہلیہ کا چہرہ واضح دکھائی نہیں دے رہا-

تصویر شئیر کرتے ہوئے کیپشن میں علی ظفر عباس نے لکھا کہ 1400 سال قبل حضرت علی رضی اللہ تعالی عنہ نے حضرت فامہ رضی اللہ تاعلی عنہ سے فرمایا تھا کہ جب میں آپ کے چہرے کی طرف دیکھتا ہوں تو مجھے سکون اور اطمینان حاصل ہوتا ہے-

ہدایتکار نے اپنی اہلیہ سے مخاطب ہوتے کہا کہ وہ بھی اپنی اہلیہ کے لئے ایسے ہی محسوس کرتے ہیں-

ساتھ ہی انہوں نے اپنی پوسٹ میں اہلیہ کو اپنی زندگی قرار دیا-

ہدایت کار کی پوسٹ پر نامور اداکاروں کی جانب سے مبارکباد اور نئی زندگی کیلئے نیک خواہشات کا اظہار کیا جارہا ہے۔

ہدایت کار علی عباس ظفر نے کئی سپر ہٹ فلموں کی ہدایتکاری کے فرائض سرانجام دیے ہیں جن میں ’میرے برادر کی دلہن‘، ’غنڈے‘، ’سلطان‘، ’ٹائیگر زندہ ہے‘ اور ’بھارت‘ شامل ہیں۔