مریم نواز کا دوسرا روپ دکھانے پر پاکستان ہندو کونسل کا عامر لیاقت کیخلاف بڑا اعلان

مریم نواز کا دوسرا روپ دکھانے پر پاکستان ہندو کونسل کا عامر لیاقت کیخلاف بڑا اعلان
باغی ٹی وی کی رپورٹ کے مطابق ممبر قومی اسمبلی عامر لیاقت حسین کی متنازع ٹویٹ، پاکستان ہندو کونسل کے سربراہ ڈاکٹر رمیش کمار نے فوری ڈیلیٹ کرنے کا مطالبہ کردیا

ڈاکٹر رمیش کمار کا کہنا تھا کہ مذہبی اسکالر ہونے کا دعویدار سوشل میڈیا پر تضحیک آمیز مواد نشر کر رہا ہے، پاکستان ہندو کونسل نے بلاسفیمی ایکٹ کے تحت سخت کاروائی کا مطالبہ کر دیا

ڈاکٹر رمیش کمار نے الٹی میٹم دیتے ہوئے کہا کہ عامر لیاقت حسین فوری طور پر ہندو دھرم سے منسوب اپنی ٹویٹ ڈیلیٹ کرکے معافی مانگے،بصورت دیگر پاکستان ہندو کونسل ملک بھر میں احتجاج کا حق محفوظ رکھتی ہے،عامر لیاقت کے نفرت انگیز اقدام سے ہندو کمیونٹی اضطرابی کیفیت میں مبتلا ہے،

ڈاکٹر رمیش کمار کا کہنا تھا کہ عامر لیاقت آئندہ ایسی شرمناک حرکت سے باز رہنے کی یقین دہانی کرائے، معافی نہ مانگنے پر بلاسفیمی ایکٹ کے تحت قانونی کاروائی کی جائے،

واضح رہے کہ عامر لیاقت نے سماجی رابطے کی ویب سائٹ ٹویٹر پر ٹویٹ کی تھی جس میں انہوں نے مریم نواز کا دوسرا روپ دکھا یا تھا، مریم نواز نے اپنی ایک تقریر میں کہا تھا کہ این اے 75 ضمنی الیکشن میں دھاندلی کے بعد حکمران اب میرا دوسرا روپ دیکھیں گے

جواب چھوڑیں

آپ کا ای میل ایڈریس شائع نہیں کیا جائے گا.