مسلم لیگ ن کی نائب صدر مریم نواز نے دعا کے ساتھ اپنے بیٹے جنید صفدر کے نکاح کی تصاویر سوشل میڈیا پر شیئر کر دیں۔
باغی ٹی وی : مسلم لیگ ن کی نائب صدر مریم نواز اور کیپٹن ریٹائر محمد صفدر کے بیٹے جنید صفدر کی شادی گزشتہ روز لندن میں ہوئی۔ جنید صفدر کا نکاح سابق چیئرمین نیب سیف الرحمان کی بیٹی عائشہ سیف سے ہوا ہے۔
ذرائع ن لیگ کے مطابق مریم نواز اور کیپٹن ر صفدر نے آن لائن بیٹے کے نکاح کی تقریب میں شرکت کی۔
انہوں نے سماجی رابطے کی ویب سائٹ ٹوئٹر پر اپنی بہو اور بیٹے کی تصاویر شئیر کی ہیں اور دونوں کو دعا دیتے ہوئے کہا ہے کہ اللّہ ہمیشہ خوش اور آباد رکھے۔
اللّہ ہمیشہ خوش اور آباد رکھے ♥️🤲🏼 pic.twitter.com/AJTUzxl2xQ
— Maryam Nawaz Sharif (@MaryamNSharif) August 22, 2021
تصاویر میں دیکھا جا سکتا ہے کہ مریم نواز کے والد اور جنید صفدر کے نانا نواز شریف اور سابق وزیر خزانہ اسحاق ڈار بھی موجود ہیں جبکہ تصاویر میں جنید کو نکاح کے فارم پر دستخط کرتے دیکھا جاسکتا ہے۔
مریم نوازکے بیٹے جنید صفدرکا نکاح بھی متنازعہ ہوگیا:ن لیگیوں نےخواتین کوزدوکوب…
جنید صفدر کے نکاح کی تقریب لندن کے مقامی ہوٹل میں ہوئی نکاح کی تقریب میں سابق وزیراعظم نواز شریف اور سابق وزیر خزانہ اسحاق ڈار سمیت خاندان کے قریبی افراد نے شرکت کی۔
واضح رہے کہ مریم نواز اور کیپٹن صفدر اس وقت ملک میں مقدمات کا سامنا کر رہے ہیں اور ان کا نام ایگزٹ کنٹرول لسٹ (ای سی ایل) میں بھی ہے جس کی وجہ سے انہوں بیٹے کی شادی کی تقریب میں شرکت نہیں کی-