مسجد حرام میں حج کے دوران صفائی کے لئے کتنے ہزار افراد ڈیوٹی انجام دیں گے؟ بڑی خبر آگئی

0
41

مکہ مکرمہ (اے پی پی) الحرمین الشریفین کے جنرل سروسز امور کے ادارے کی طرف سے حج انتظامات کے تحت رواں سال 1440ھ کے موسم حج پر مسجد حرام میں 4 ہزار افراد پر مشتمل صفائی کا اضافی عملہ تعینات کرنے کا اعلان کیا ہے۔

مسجد حرام کے جنرل سروسز امور کے ڈائریکٹر محمد الجابری نے میڈیا سے گفتگو میں بتایا کہ ان کے ادارے نے مسجد حرام کی صفائی اور طہارت کو یقینی بنانے کے لیے چار ہزار افراد پر مشتمل اضافی عملہ تیار کیا ہے جو حج کے ایام میں مسجد میں صفائی کے انتظامات کو یقین بنائے گا۔ انہوں نے بتایا کہ مسجد حرام میں صفائی کے لئے جہاں بڑی تعداد میں افرادی قوت مہیا کی گئی ہیں۔ صفائی کے لئے 400 آلات اور مشینیں بھی فراہم کی گئی ہیں۔ یہ عملہ مسجد حرام میں کے اندرونی اور بیرونی مقامات، قالینوں اور دیگر اہم جگہوں کی صفائی کے ساتھ مسجد کومعطر کرنے کے لئے کام کرے گا۔

Tagsbaaghi

Leave a reply