fbpx

مسجد حرام کی توسیعی منصوبے کے’تیسرے مرحلے‘ کا آغاز ہو گیا

مکہ المکرمہ : مسجد حرام میں توسیعی منصوبے کے’فیز 3‘ یعنی تیسرے مرحلے کا آغاز ہوگیا۔

باغی ٹی وی: :اردو العربیہ کے مطابق صدارت عامہ برائے امور حرمین الشریفین کی طرف سے جاری ایک بیان میں انکشاف کیا گیا ہے کہ سعودی عرب کی حکومت میں مسجد حرام کی توسیعی منصوبے کے تیسرے مرحلے کا آغاز ہوگیا ہےتوسیعی منصوبے کے الیکٹروک میکینک سسٹم اور تعمیراتی سرگرمیوں کے لیے 60 مختلف کمپنیوں کو پرمٹ جاری کیے گئے ہیں۔

مسجد حرام کے توسیعی پروجیکٹ کا مقصد حرم مکی میں نمازیوں، حجاج اور معتمرین کے لیے مزید گنجائش پیدا کرنا ہے۔ توسیع کے بعد مسجد حرام کا اجمالی رقبہ5 لاکھ 19 ہزار 1 سو 49 مربع میٹر ہوجائے گا اس میں مسجد حرام کی توسیع کا پہلا مرحلہ جسے شاہ عبداللہ بن عبدالعزیز توسیعی پروجیکٹ کانام دیا جاتا ہے بھی شامل ہے۔

توسیعی منصوبے میں مطاف کی عمارت کی توسیع بھی شامل ہے توسیع کے دوران دروازوں، مرکزی میناروں باب شاہ عبدالعزیز، باب العمرہ اور باب الفتح کی توسیع بھی شامل ہے۔

حرمین شریفین کی انتظامیہ کا کہنا ہے کہ اس سے قبل مطاف عمارت کو بھی مکمل کرلیا گیا ہے میزانین پروجیکٹ کی دوسری منزل بھی مکمل کرلی گئی ہے وزارت خزانہ کے تعاون سے حرم مکی کے توسیع پروجیکٹ میں بنیادی ڈھانچے اور دیگر بنیادی سروسز کو بھی مکمل کرلیا گیا ہے۔