مکہ مکرمہ: سعودی عرب میں کورونا پابندیاں ختم ہونے کے بعد مسجد الحرام میں سماجی فاصلے کے بغیرنمازادا کی گئی نماز جمعہ کے لیے صفوں کودرست کرنے اورفاصلے ختم کرنے کا خصوصی اعلان بھی کیا حرم شریف میں دس لاکھ سے زائد نمازیوں نے شرکت کی۔
باغی ٹی وی : تفصیلات کے مطابق سعودی عرب میں کورونا وائرس کے حوالے سے دو برس سے عائد متعدد پابندیوں کے خاتمے کے بعد پہلی نماز جمعہ سماجی فاصلے کے بغیر ادا کی گئی۔ حرمین شریفین کے علاوہ مملکت کی تمام مساجد میں مکمل گنجائش کے ساتھ نمازیوں نے صفوں کی پابندی کے ساتھ نماز باجماعت ادا کی۔
More than a Million people performed the Friday prayers at the Grand Mosque. The Spokesman at the Ministry of Hajj and Umrah also stated earlier today that Hajj will be carried out in huge numbers.
This is all due to precautionary measures being lifted in Saudi Arabia pic.twitter.com/ThgXuDuMPk
— 𝗛𝗮𝗿𝗮𝗺𝗮𝗶𝗻 (@HaramainInfo) March 11, 2022
عرب امارات میں کورونا پابندیوں کے خاتمے کےباوجود احتیاطی تدابیرضروری
مساجد کے آئمہ نےسماجی فاصلے کی پابندی کے خاتمے پرخصوصی طورپرشکرانے کے کلمات ادا کرتے ہوئے صفوں کی درستگی کا اعلان بھی کیا۔
سعودی عرب کی وزارت حج اورعمرہ کے ترجمان کی جانب سے جاری بیان کے مطابق مسجد الحرام میں 10 لاکھ سے زائد افراد نے کورونا پابندیوں کے بغیر نماز جمعہ ادا کی۔
VIDEO: First Friday prayer in the Two Holy Mosques without #COVID19 precautionary measures.pic.twitter.com/JaJultvZ5o
— Inside the Haramain (@insharifain) March 11, 2022
بیان میں مزید کہا گیا ہے کہ ہرعمر کے بچوں کواپنے والدین اوررشتے داروں کے ساتھ مسجدالحرام اور مسجد نبوی ﷺ میں داخلے کی اجازت دے دی گئی ہے جبکہ رواں سال بڑی تعداد میں لوگ حج ادا کرسکیں گے۔
سعودی میڈیا کے مطابق مسجد الحرام اور مسجد نبوی ﷺ میں نماز کیلئے اجازت ناموں کی پابندی بھی اب ختم کردی گئی ہے۔
سعودی عرب نے 17 ممالک کی ایئرلائنز پرعائد پابندیاں ختم کردیں
واضح رہے دنیا بھر کی طرح سعودی عرب میں بھی کورونا وائرس کے حوالے سے احتیاطی تدابیر کے تحت مارچ 2020 سے پابندیاں عائد کرتے ہوئے سماجی فاصلے کا اصول بھی متعین کیا گیا تھا جس کے تحت حرمین شریفین سمیت مملکت کی تمام مساجد میں نمازیوں کے در میان ڈیڑھ میٹرکا فاصلے رکھا گیا تھا بعدازاں گزشتہ برس اس فاصلے کوکم کرکے آدھا میٹرکردیا گیا تھا۔
کورونا کی وبا کے پیش نظرمساجد میں نمازیوں کےلیے سماجی فاصلے کو متعین کرنے کی غرض سے صفوں میں نشانات لگائے گئے تھے تاکہ صف میں کھڑے ہونے کے لیے فاصلے کے اصول کومدنظررکھا جائے۔
سعودی عرب جانے والوں کے لیےاچھی خبرآگئی :پی سی آر ٹیسٹ اور قرنطینہ کی شرط ختم
گزشتہ ہفتے مملکت میں کورونا وائرس کے حوالے سے وزارت صحت کی جانب سے جاری سفارشات پرعمل کرتے ہوئے متعدد ضوابط کو ختم کیا گیا جن میں سماجی فاصلہ ، کھلے مقامات پرماسک کے استعمال کی پابندی کے علاوہ سفری ضوابط کے حوالے سے قرنطینہ و لازمی پی سی آر ٹیسٹ شامل تھا۔
وزارت صحت کا اس حوالے سے کہنا تھا کہ بند مقامات پرماسک کا استعمال جاری رکھا جائے علاوہ ازیں ایسے افراد جنہوں نے ویکسین کی بوسٹرڈوز نہیں لی وہ بھی جلد ازجلد بوسٹرڈوز لینے کےلیے توکلنا پررجسٹریشن کرالیں۔
