مسئلہ کشمیر کشمیریوں کی امنگوں کے مطابق حل ہونا چاہئے ،چیئرمین کشمیر کمیٹی

کشمیر کمیٹی کے چیئرمین فخر امام نے کہا ہے کہ مسئلہ کشمیر کشمیریوں کی امنگوں کے مطابق حل ہونا چاہئے

باغی ٹی وی کی رپورٹ کے مطابق اسلام آبا د میں میڈیا سے گفتگو کرتے ہوئے کشمیر کمیٹی کے چیئرمین فخر امام کا کہنا تھا کہ سلامتی کونسل کی قراردادکےمطابق کشمیر متنازعہ علاقہ ہے ،مسئلہ کشمیر کشمیریوں کی امنگوں کے مطابق حل ہوناچاہیے،قائداعظم نے کشمیر کو پاکستان کی شہ رگ قراردیا،وزیرخارجہ کی کاوشوں کے نتیجے میں سلامتی کونسل کا اجلاس بلایاگیا،

فخر امام کا مزید کہنا تھا کہ پاکستان اور بھارت ایٹمی طاقتیں ہیں،بھارت طاقت کےذریعےکشمیریوں کی آواز دباناچاہتا ہے ،پاکستانی عوام کشمیریوں کے شانہ بشانہ کھڑے ہیں،عالمی میڈیا بھی کشمیریوں کے حق میں آوازبلند کررہا ہے،کشمیرمیں میڈیاپربھی پابندی عائد کردی گئی ہے،سلامتی کونسل میں دہائیوں بعد مسئلہ کشمیر پر بحث کی گئی ،وقت آگیا ہے کشمیریوں کو ان کا حق دیاجائے،دنیاکومقبوضہ کشمیرمیں کرفیوکوفوری ہٹانےکامطالبہ کرناچاہیے،

قبل ازیں فردوس عاشق اعوان نے کہا کہ مقبوضہ کشمیر میں حریت قیادت کےساتھ نا انصافیاں ہو رہی ہیں ،سوڈان اور مشرقی تی مور میں یو این قراردادو ں پر عمل کیا گیا ،وزیراعظم مجموعی طور پر قومی بیانیہ سامنے رکھیں گے ،مقبوضہ جموں کشمیر میں مودی سرکارظلم وستم ڈھا کر نئی داستان رقم کر رہی ہے ،قائداعظم نےکشمیرکوپاکستان کی شہ رگ قراردیا

وزیراعظم کی مشیر برائے اطلاعات ڈاکٹر فردوس عاشق اعوان کا کہنا ہے کہ وزیراعظم عمران خان آج کشمیر کے مسئلہ پر قوم سے خطاب کریں گے، وزیراعظم عمران خان کا خطاب آج پیر کی شام ساڑھے پانچ بجے نشر کیا جائے گا، وزیراعظم عمران خان قوم کو کشمیر کی صورتحال سے آگاہ کریں گے

فردوس عاشق اعوان کا مزید کہنا تھا کہ حریت قیادت کےساتھ ناانصافیاں ہورہی ہیں ،ہوسکتا ہے مظالم میں مودی کا نام ہٹلر سے آگے نکل جائے ،تاریخ میں مودی کا نام سیاہ حروف سے لکھا جائے گا ،دنیاکشمیرکےالمیےسےلاتعلق رہی تومجرمانہ غفلت ہوگی،موثرسفارت کاری کے باعث کشمیر عالمی مسئلہ بن چکا ہے ،تمام طبقات مقبوضہ کشمیر میں مظالم اجاگرکرنے میں کرداراداکریں ،سلامتی کونسل سمیت تمام ادارے کشمیر پر کلیدی کرداراداکریں ،