مزار قائد پربے ہودہ ویڈیو بنانے والی لڑکی کی ایک اور مقدس مقام پر نا زیبا ویڈیو وائرل
مزار قائد پر رقص پر مبنی ویڈیو بنانے والی نامعلوم لڑکی کی ایک اور ویڈیو سامنےآئی ہے جس میں وہ فیصل مسجد پر رقص کرکے مسجد کا تقدس پامال کرنے کی نا زیبا کوشش کررہی ہے
باغی ٹی وی: مزار قائد پر رقص پر مبنی ویڈیو بنانے والی نامعلوم لڑکی کی ایک اور ویڈیو سامنےآئی ہے جس میں وہ فیصل مسجد پر رقص کر رہی ہے
مزار قائد کے بعد فیصل مسجد کا تقدس پامال کرنے کی نازیبا کوشش pic.twitter.com/fOs17DGA0w
— Atta ur Rehman Khan / عطا الرحمٰن خان (@BaZabaanEAtta) February 25, 2020
سوشل میڈیا پر گردش کرتی ویڈیو میں دیکھا جاسکتا ہے کہ نقاب پہنے یہ نا معلوم لڑکی فیصل مسجد کے سامنے رقص کررہی ہے اس ویڈیو میں لڑکی نے گلابی رنگ کے کپڑے پہن رکھے ہیں
اس سے قبل اسی لڑکی کی ایک ویڈیو وائرل ہوئی تھی جس میں وہ مزار قائد کے سامنے رقص کررہی تھی اس ویڈیو میں اس لڑکی نےسفید رنگ کا باریک لباس زیب تن کررکھا تھا
https://www.instagram.com/p/B9BYO2UlF5Z/?igshid=gjghv9mbmaob
مزار قائد پر رقص کی ویڈیو وائرل ہونے اور سوشل میڈیا صارفین کی شدید تنقید کے بعد مزار کی انتظامیہ نے لڑکی کے رقص کی وائرل ویڈیو سوشل میڈیا سے ہٹانے کے لیے ایف آئی اے سے رابطہ کرنے کا فیصلہ کیا تھا
سوشل میڈیا پر سفید لباس میں ملبوس نقاب پوش لڑکی کی ویڈیوز وائرل ہوئی جن میں دیکھا جاسکتا ہے کہ وہ وہ مزار قائد کے احاطے میں ٹک ٹاک ویڈیو بنا رہی ہے اور رقص کر رہی ہے عکس بند کی جانے والی ویڈیوزمیں مختلف گانے بھی سنائی دے رہے ہیں
مذکورہ ویڈیوز سوشل میڈیا پر وائرل ہونے کے بعد شہریوں کی جانب سے شدید تنقید کی جا رہی ہے مزار قائد سیکیورٹی ذرائع کے مطابق مذکورہ واقعے کے حوالے سے تحقیقات کی جارہی ہیں ویڈیو کو سوشل میڈیا سے ہٹانے کے لئے بھی ایف آئی اے سے درخواست دینے کا فیصلہ کیا ہے