بیگم ثمینہ عارف علوی نے اسلام آباد میں خصوصی افراد کی فاونڈیشن کا دورہ کیا ہے. بیگم ثمینہ عارف علوی کو جسمانی اور ذہنی طور پر معذور بچوں کی بحالی کے لئے کیئے جانے والے اقدامات پر بریفنگ دی گئی. خصوصی بچوں کو انکی انفرادی ضروریات کے مطابق تعلیم و تربیت اور تھیراپی دی جاتی ہے.
بیگم ثمینہ عارف علوی نے کہا کہ احساس کفالت پروگرام کے تحت فروری سے خصوصی بچوں کے والدین کو معاونت فراہم کی جائے گی، معذور بچوں کی رجسٹریشن کے عمل کو آسان بنانے کیلئے ون ونڈو آپریشنز شروع کرنے جا رہے ہیں.
انہوں نے کہا کہ کراچی کی بزنس کمیونیٹی سے مل کر خصوصی بچوں کی ووکیشنل ٹریننگ کیلئے اقدامات کر رہے ہیں،
خصوصی افراد کو اپنے پاؤں پر کھڑا کرنے کی ضرورت ہے.
بیگم ثمینہ عارف علوی نے مزید کہا کہ خصوصی بچوں کی انفرادی ضروریات کے مطابق ووکیشنل ٹریننگ کیلئے متعلقہ اداروں سے مل کر کام کررہے ہیں. بیگم ثمینہ عارف علوی نے بچوں کی تیار کردہ دستکاریوں کا بھی معائنہ کیا ہے.
