میگھن مارکل کی کتاب ،دی بینچ، 8 جون کو شائع ہو گی

برطانوی شہزادہ ہیری کی اہلیہ میگھن مارکل کی کتاب 8 جون کو شائع ہوگی۔

باغی ٹی وی :The Bench نامی کتاب میں ڈچس آف سسیکس نے ماں کی حیثیت سے دیکھے گئے باپ اور بیٹے کے تعلقات کو بیان کیا ہے۔

میگھن مارکل نے ایک بیان میں کہا ہے کہ The Bench نامی کتاب کا آغاز ایک نظم سے ہوا جو میں نے والد کے عالمی دن پر ہیری کے لئے لکھی تھی جس کے ایک ماہ بعد آرچی کی پیدائش ہوئی اور اب یہ نظم کہانی بن گئی۔

میگھن مارکل کا مزید کہنا ہے کہ مجھے امید ہے کہ یہ کتاب ہر گھر میں پڑھی جائے گی رپورٹس کے مطابق میگھن مارکل کتاب کو اپنی آواز میں بھی ریلیز کریں گی۔

اس کی کہانی کے ساتھ ایوارڈ یافتہ مصور کرسچن رابنسن کی تصاویر بھی ہوں گی۔

پینگوئن رینڈم ہاؤس کے پبلشرز نے کہا کہ اس کتاب کا مقصد "گرم جوشی ، ربط اور ہمدردی کا گہرا احساس” پیدا کرنا ہے-

واضح رہے کہ اس وقت میگھن مارکل اور ہیری امریکا میں رہائش پذیر ہیں اور یہ کتاب 2020 میں امریکہ جانے اور آزادانہ زندگی گزارنے کے لئے شاہی فرائض سے دستبردار ہونے کے فیصلے کے بعد سے سسیکس کے متعدد منصوبوں میں تازہ ترین کتاب ہے۔

Leave a reply