میہڑ: تیز رفتار موٹر سائیکل کی ٹکر ، ایک شخص شدید زخمی

میہڑ (باغی ٹی وی نامہ نگارمنظورعلی جوئیہ) تیز رفتار موٹر سائیکل کی ٹکر ، ایک شخص شدید زخمی

تفصیل کے مطابق میہڑ میں ایک بھیانک حادثہ پیش آیا ہے جس میں تیز رفتار موٹر سائیکل نے ایک شخص کو ٹکر مار دی۔ یہ حادثہ ہنڈا شو روم کے قریب ہوا۔ زخمی کی شناخت گل کالونی کے رہائشی ذوالفقار سیلرو کے نام سے ہوئی ہے، جو شدید زخمی ہوا ہے۔

ذوالفقار سیلرو کو فوری طور پر تحصیل ہسپتال میہڑ منتقل کیا گیا، لیکن تشویشناک حالت کے باعث اسے مزید علاج کے لیے لاڑکانہ ہسپتال منتقل کر دیا گیا ہے۔

شہریوں نے اس واقعے پر گہرے دکھ اور افسوس کا اظہار کیا ہے اور روڈ کی حالت اور ٹریفک قوانین کی خلاف ورزیوں پر انتظامیہ سے فوری کارروائی کا مطالبہ کیا ہے۔