بھارت ،بنگلہ دیش میں کوئی فرق نہیں، محبوبہ مفتی کے بیان پر بی جے پی بھڑ ک اٹھی

مقبوضہ کشمیر کی سابق وزیراعلی محبوبہ مفتی کے اقلیتی برداری کی صورتحال پر بیان نے تنازع کھڑا کر دیا جس میں انہوں نے بھارت کا موازنہ بنگلہ دیش سے کیا ہے.

بھارتی جریدے کے مطابق سابق وزیراعلی نے 24 نومبر کو اترپردیش کے شہر سنبھل میں پیش آنے والے واقعے پر افسوس کا اظہار کیا.انہوں نے پارٹی کے کارکنوں سے خطاب کرتے ہوئے کہا کہ آج مجھے ڈر ہے کہ ہمیں اسی طرف لے جایا جا رہا ہے جو حالات 1947 میں تھے نوجوان جب نوکریوں کی بات کرتے ہیں تو نہیں ملتیں ہمارے پاس اچھے ہسپتال نہیں، تعلیم نہیں ہے وہ سڑکوں کی حالت کو بہتر نہیں کر رہے لیکن ایک مندر کی تلاش میں مسجد کو گرانے کی کوشش کر رہے ہیں. سنبھل واقعہ بہت افسوسناک ہے کچھ لوگ دکانوں میں کام کر رہے تھے اور گولی مار دی گئی واضح رہے کہ 24نومبر کو انڈیا کی ریاست اترپردیش کے شہر سنبھل میں ایک مسجد کے سروے کے موقع پر تشدد پھوٹ پڑا تھا جس کے نتیجے میں چار افراد ہلاک ہو گئے تھے.مسلمان مظاہرین اور پولیس کے درمیان یہ جھڑپیں اترپردیش کے شہرسنبھل میں ایک سروے کے موقعے پر ہوئیں جس میں یہ جائزہ جا رہا تھا کہ 17ویں صدی کی مسجد ہندوں کے مندر پر تعمیر کی گئی تھی یا نہیں؟ایک ہندو پنڈت کی جانب سے عدالت میں دائر ایک درخواست میں دعوی کیا گیا ہے کہ یہ مسجد ایک ہندو مندر کی جگہ پر تعمیر کی گئی ہے جس پر مقامی عدالت نے سروے کا حکم دیا تھا.محبوبہ مفتی کے بیان کی بی جے پی کے کئی راہنماﺅں نے مذمت کرتے ہوئے بیان کو ملک دشمنی پر مبنی قرار دیا ہے بی جے پی کے راہنماﺅں نے جموں و کشمیر کی حکومت پر زور دیا کہ وہ ان کے خلاف کارروائی کرے جموں و کشمیر کے بی جے پی کے سابق سربراہ رویندر رینا نے کہا کہ محبوبہ مفتی کا بنگلہ دیش کی صورتحال کا انڈیا سے موازنہ کرنے والا متنازع بیان سراسر غلط اور قابلِ مذمت ہے.
انہوں نے کہا کہ دنیا بنگلہ دیش میں انسانی حقوق کی بدترین خلاف ورزیوں سے آگاہ ہے جہاں اقلیتی برادری کو ٹارگٹ حملوں کا سامنا ہے، خواتین کی توہین کی جاتی ہے اور ایک منتخب وزیراعظم کو ملک سے بھاگنے پر مجبور کر دیا جاتا ہے. بی کے پی رہنما نے مطالبہ کیا کہ جموں و کشمیر حکومت کو محبوبہ کے ملک مخالف بیان اور اس کی سازشوں کا سنجیدگی سے نوٹس لینا چاہیے اور ان کے خلاف کارروائی کی جانی چاہیے جموں کشمیر اسمبلی میں اپوزیشن لیڈر سنیل شرما نے کہا کہ محبوبہ مفتی کا بیان اسمبلی انتخابات میں شکست کے بعد ان کی پارٹی کو زندہ کرنے کی کوشش ہے پی ڈی پی مکمل طور پر ختم ہو چکی ہے اور محبوبہ مفتی مسلمانوں کو مشتعل کر کے اپنی پارٹی کو دوبارہ فعال کرنے کے لیے اس طرح کے بیانات دے رہی ہیں.

نومبر میں مہنگائی ساڑھے 6 سال کی کم ترین سطح پر آگئی

یو اے ای کی عالمی خدمات امت مسلمہ کیلئے باعثِ فخر ہیں، اسپیکر سندھ اسمبلی

پاکستان کو عالمی دنیا کے بدلتے حالات پر توجہ کی ضرورت۔تجزیہ: شہزاد قریشی

کراچی سے پشاور چلنے والی عوام ایکسپریس کی نجکاری مکمل