مہنگائی میں مزید اضافہ ہو گا، وزیر اطلاعات نے اعلان کر دیا

پنجاب کے صوبائی وزیر اطلاعات صمصام بخاری نے پنجاب کی عوام کو نوید سنائی ہے کہ اگلے چھ ماہ مشکل ہیں اور مہنگائی میں مزید اضافہ ہو سکتا ہے.

باغی ٹی وی کی رپورٹ کے مطابق صمصمام بخاری نے کہا کہ گزشتہ ادوار میں وسائل کی تقسیم غیرمنصفانہ ہوئی ،انہوں نے کہا کہ ہر سیاستدان کو خوداحتسابی کے عمل سے گزرنا ہوتا ہے،کوئی بھی احتساب سے بالاتر نہیں، ہر ایک کو اس عمل سے گزرنا ہوگا، احتساب کا فائدہ کسی پارٹی کو ہو نہ ہو ملک کو ضرور ہوگا. انہوں نے مزید کہا کہ سندھ میں پیپلزپارٹی کا مسلسل تیسرا دور حکومت مایوس کن ہے ،تھر میں بھوک اور لاڑکانہ میں ایڈز سے بچے مر رہے ہیں لیکن سندھ حکومت کو کوئی پرواہ نہیں.

واضح رہے کہ سندھ میں ایڈز کے ہزاروں کیسز رپورٹ ہوئے ہیں بلاول کے آبائی حلقہ لاڑکانہ میں بھی ایڈز کے سینکڑوں کیسز سامنے آئے ہیں.

جواب چھوڑیں

آپ کا ای میل ایڈریس شائع نہیں کیا جائے گا.