محمکمہ موسمیات کے مطابق آئندہ 24 گھنٹوں میں موسم کیسا رہے گا؟

محکمہ موسمیات کے مطابق ملک کے بیشتر اضلاع میں موسم گرم اور خشک رہے گا-

باغی ٹی وی :محکمہ موسمیات کے مطابق ملک کےمیدانی علاقے شدید گرمی کی لپیٹ میں رہیں گے،پنجاب کے بیشتر اضلاع میں موسم شدید گرم اور خشک رہے گا ڈیرہ غازی خان،ملتان اور بہاولپور میں بعد دوپہرکوگرد آلود ہوائیں متوقع ہے

جبکہ اسلام آباد میں موسم شدید گرم اور خشک رہے گا، آندھی اور گرج چمک کا امکان ہے –

محکمہ موسمیات کے مطابق آزاد کشمیر اورگلگت بلتستان میں موسم خشک اور گرم رہے گا،مانسہرہ،ایبٹ آباد اور سوات میں تیز ہواوَں اور گرج چمک کے ساتھ بارش کا امکان ہے-

سندھ کے بیشتر اضلاع میں موسم خشک رہے گا ،دادو، جیکب آباد، پڈعیدن ، موہنجو داڑو اورروہڑی گرمی کی لپیٹ میں رہیں گے-

بینظیر آباد،میر پور خاص، عمر کوٹ، تھر پارکر،خیر پور اورسانگھڑمیں شدید گرمی رہے گی ، سکھراور لاڑکانہ میں موسم شدید گرم رہے گا جبکہ کراچی سمیت ساحلی علاقوں میں رات اور صبح کے اوقات میں بوندا باندی متوقع ہے-

بلوچستان کے شہر تربت، پنجگور، چاغی، سبی اور کوہلو میں گرمی کی شدت برقرار رہے گی-