میرا خواب ہے آئندہ ورلڈ کپ میں پاکستان کا ٹیلنٹ نظر آئے،وزیراعظم

باغی ٹی وی کی رپورٹ کے مطابق اسلام آبادمیں پاکستان کرکٹ بورڈ کی جانب سے تقریب ہوئی

پاکستان کرکٹ بورڈ اور پی ٹی وی میں تین سال کا معاہدہ طے پا گیا، پہلی اسائمنٹ نیشنل ٹی ٹونٹی کپ ہوگی، ڈومیسٹک کرکٹ کے نشریاتی حقوق کے معاہدے پر دستخط ہوئے،ڈومیسٹک کرکٹ کے نشریاتی حقوق کے 3سالہ معاہدے پر دستخط ہوئے ،معاہدے سے پی سی بی کو 200 ملین امریکی ڈالر کی آمدن متوقع ہے،

تیس ستمبر سے شروع ہونے والے ٹورنامنٹ کی پراڈکشن پی سی بی اور براڈکاسٹنگ پی ٹی وی کرے گا،چیئرمین پی سی بی کا کہنا ہے کہ معاہدے کو حتمی شکل دینے پر پی ٹی وی اور آئی میڈیا کیمونیکشن سروسز کو مبارکباد پیش کرتے ہیں،یہ پاکستان کرکٹ کی تاریخ کی سب سے بڑی براڈکاسٹنگ ڈیل ہے، تین سالہ معاہدے سے پاکستان کی کرکٹ پر بہت مثبت اثرات مرتب ہوں گے،پی سی بی آئندہ تین سال میں قومی مینز اور ویمنز کرکٹ کے فروغ پر 15 بلین روپے خرچ کرے گا، یہ رقم ہائی پرفارمنس سنٹرز میں سابق کرکٹرز کے لیے روزگار کے مواقع پیدا کرنے پر بھی خرچ ہوگی،

اس موقع پر وزیراعظم عمران خان کا کہنا تھا کہ ڈومیسٹک کرکٹ کے نشریاتی حقوق کے معاہدے پر دستخط اہم پیش رفت ہے،نشریاتی حقوق کے معاہدےسے کرکٹ کوفروغ ملے گا،ہمارے ملک میں جتنا ٹیلنٹ ہے دنیا میں اور جگہ نہیں ،

وزیراعظم عمران خان کا کہنا تھا کہ اگر ہم نے کرکٹ کا ڈھانچہ تبدیل کیا تو ہمیں کوئی شکست نہیں دے سکتا،ماضی میں کرکٹ انتظامیہ میں من پسند افراد کوجگہ دی گئی ،کھلاڑیوں کو بہترین بنانے کے لیے نظام کا مضبوط ہونا ضروری ہے، چیئرمین کرکٹ بورڈ نے کرکٹ نشریاتی حقوق کےمعاہدے کے لیے کام کیا،ایک وقت تھا جب سرکاری ٹی وی سب دیکھتے تھے ، ہم نےبہتر معیار پر آنا ہوگا،

وزیراعظم عمران خان کا مزید کہنا تھا کہ اداروں میں سفارش پرلوگوں کو بھرتی کرنا نظام کوکمزور کردیتا ہے ،میرا خواب ہے آئندہ ورلڈ کپ میں پاکستان کا ٹیلنٹ نظر آئے ،ہمیں ٹیلنٹ کو نکھارنےکرنے کی ضرورت ہے، آسٹریلیا کی ٹیم میں میرٹ ہے اس لیے وہ دنیا پر راج کر رہےہیں، سسٹم نہ ہونے کی وجہ سے پاکستان میں ٹیلنٹ اوپرنہیں آرہا تھا،

تین سالہ براڈکاسٹ معاہدے کو حتمی شکل دینے میں چیئرمین پی سی بی احسان مانی کا اہم کردار رہا،احسان مانی گزشتہ 4 ماہ سے اس ڈیل پر کام کر رہے تھے ،احسان مانی اس سے قبل آئی سی سی اور پی سی بی کو منافع بخش براڈکاسٹ ڈیل کرانے میں شہرت رکھتے ہیں،اس معاہدے کے بعد پاکستان کرکٹ بورڈ کا بھارتی براڈکاسٹرز پر انحصار ختم ہوجائے گا،گزشتہ تین سالہ براڈکاسٹ ڈیل سے پی سی بی کو 60 ملین امریکی ڈالر کی آمدن ہوئی تھی

جواب چھوڑیں

آپ کا ای میل ایڈریس شائع نہیں کیا جائے گا.