میں تحقیقات میں این سی بی سے تعاون کر رہا ہوں لیکن میرا منشیات سے کوئی لینا دینا نہیں ارجن رامپال

بھارتی فلم انڈسٹری کے معروف اداکار ارجن رامپال کا کہنا ہے کہ اُن کا منشیات سے کوئی لینا دینا نہیں ہے۔

باغی ٹی وی : ہندوستان ٹائمز کی رپورٹ کے مطابق بھارت کے نارکوٹکس کنٹرول بیورو (این سی بی) نے منشیات سے متعلق کیس میں با لی وڈ اداکار ارجن رامپال سے 7 گھنٹے تفتیش کی ان سے قبل این سی بی نے 11 اور 12 نومبر کو ارجن رامپال کی گرل فرینڈ گیبریلا ڈیمٹریڈس سے پوچھ گچھ کی تھی۔

رپورٹ کے مطابق این سی بی عہدیدار نے کہا کہ وہ ارجن رامپال کے ایک دوست پال بارٹل کو بھی گرفتار کرچکے ہیں۔

ممبئی کے جنوبی علاقے میں این سی بی کے زونل آفس سے باہر آنے کے بعد شام 6 بجے ارجن رامپال نے بھارتی میڈیا سے گفتگو کرتے ہوئے کہا کہ میرا منشیات سے کوئی لینا دینا نہیں، میرے پاس میڈیسن کی پرسکرپشن ہے جو میری رہائش گاہ سے ملی تھی اور میں نے وہ پرسکرپشن این سی بی عہدیداران کے حوالے کردی ہے-

انہوں نے کہا کہ میں تحقیقات میں تعاون کررہا ہوں اور این سی بی عہدیداران بہت اچھا کام کررہے ہیں-

این سی بی عہدیدار نے کہا کہ وہ 13 نومبر کو بیلارڈ اسٹیٹ میں دفتر پہنچے تھے انہیں ہندی فلم انڈسٹری میں منشیات کے مبینہ استعمال سے متعلق کیس میں طلب کیا گیا تھا۔

این سی بی نے ارجن رامپال کو تفتیش کے لئے طلب کر لیا

عہدیدار نے مزید کہا کہ ان کے دوست پال بارٹل جو غیر ملکی شہری ہیں انہیں 12 نومبر کو پوچھ گچھ کے بعد گرفتار کیا گیا تھا۔

خیال رہے کہ این سی بی نے 9 نومبر کو اداکار ارجن رامپال اور ان کی گرل فرینڈ گیبریلا ڈیمٹریڈس کو منشیات سے متعلق تحقیقات کے لیے طلب کیا تھااین سی بی نے منشیات کیس کے سلسلے میں اداکار ارجن رامپال کے گھر چھاپا مارا تھا اور ان کے گھر سے لیپ ٹاپس، موبائل فون اور ٹیبلٹس ضبط کرلیے تھے۔

این سی بی نے اداکار ارجن رامپال کے ڈرائیور سے بھی پوچھ گچھ کی تھی۔

واضح رہے کہ اکتوبر میں این سی بی نے اداکار کی گرل فرینڈ گیبریلا ڈیمٹریڈس کے بھائی کو گرفتار کیا تھا اور ان کے گھر پر چھاپے کے دوران مبینہ طور پر منشیات ضبط کی گئی تھیں۔

بالی وڈ منشیات کیس: اداکار ارجن رام پال کے گھر این سی بی کا چھاپہ

رپورٹس کے مطابق ان کے بھائی اس منشیات گٹھ جوڑ کا حصہ تھے جس کا تعلق اداکار سوشانت سنگھ کی موت سے ہےمبینہ طور پر وہ ڈرگ اسمگلرز سے رابطے میں تھے جو ریا چکربورتی اور ان کے بھائی شووک کو منشیات فراہم کرنے کے ذمہ دار تھے، جنہیں ستمبر میں گرفتار کیا گیا تھا۔

ارجن رامپال سے قبل این سی بی نے فلم ساز فیروز ناڈیاڈ والا کے گھر پر چھاپا مارا تھا اور وہاں سے منشیات قبضے میں لی تھیں جس کے بعد انہیں آج پوچھ گچھ کے لیے طلب کیا گیا تھا۔

این سی بی کے سمیر وانکھیڈے نے کہا تھا کہ انہوں نے ممبئی کے مغربی علاقے میں چھاپا مارا تھا جہاں سے کمرشل مقدار میں گانجا، میفیڈرون اور دیگر منشیات برآمد کی تھیں۔

انہوں نے کہا کہ فلم ساز فیروز ناڈیاڈ والا کے گھر سے ملنے والی منشیات بھی 5 منشیات سپلائرز کو بھی کیے جانے کا حصہ تھی۔

جواب چھوڑیں

آپ کا ای میل ایڈریس شائع نہیں کیا جائے گا.